米走雞 (太子藍馬之城)

營業中

休息中

雖然最近都好想減肥，但友人生日一句我想食雞煲，我便捨命陪君子。一坐低店員就端來醬汁，都幾多選擇，有我仲鐘意既芝麻醬仲有炸蒜。由於我地都唔多嗜麻辣既關係，所以我哋兩個就試左黃金芝士雞煲。一黎到就聞到好重芝士味，芝士同紫洋蔥炒得超香，見到咁多芝士開頭都驚會好膩，點知同雞撈埋一齊好夾，雞件好多同啖啖肉，夾起仲微微拉絲，好芝士既人一定好鐘意。友人不停食雞，我呢就不停夾紫洋蔥食，因為真係好香😂😂 趁未加湯之前我哋放左d火鍋配料落去試試，發現左夾紅薯粉好好食，如果落公仔麵應該仲正，根本就係芝士撈丁黎😂仲試左落芝士腸同竹笙，芝士腸冇咩分別，竹笙呢d野似乎就唔多夾芝士🙊之後加返湯好食好多，竹笙口感爽，有微微香味。鮮炸響鈴挺香脆的。我地仲叫左美國桶蠔，好美肥鮮甜，非常唔錯。總括芝士mix雞煲呢個組口好特別，嗜芝士人士肯定食到停唔到口。