拉麵琛 (已結業)

一家人放假，大約晚上8點幾去筲箕灣覓食，經過東大街突然想食碗拉麵，就入咗呢間拉麵店，店內都幾乾淨，位置都寬闊坐得舒服嘅，我地坐低咗，店員有禮貌咁即刻比部mini I pad比我地點餐，店內得拉麵師傅係廚房一腳踢，我哋一家人叫咗四個唔同嘅味道拉麵，我雖然叫咗都幾多嘢食，但係啲嘢食都上得好快，湯頭非常濃郁，但係唔會太咸嘅，面條大小適中都彈牙，最值得讚嘅係果兩舊叉燒，油脂分布平均唔會太肥膩，而且用炙燒方法處理非常之香口，一啲都唔覺得油膩，師傅介紹係喺北海道訂製返嚟嘅豚肉，加埋個$12糖心蛋都有流心嘅效果，小食方面最出色嘅係明太子魚餅，芝麻雞翼都好好味好脆口，總評分有4.5分！