長阪燒 (已結業)

今日同朋友黎旺角，朋友話想食日本野，於是去咗「長阪燒」。入到黎個裝修好靚，啲坐位都好寬敞。我地黎到叫沖繩葡萄蕃茄沙律，蕃茄同埋沙律菜都好新鮮，第一次食沖繩葡萄，一串串細細粒咁好特別。我哋仲叫咗三文魚刺身，一碟有五塊，每塊都好厚吓，仲有叫咗蔥粒吞拿魚蓉壽司，都好好味。熱食方面叫咗串燒，分別係串燒和牛、日本黑豚、雞肉大蔥及明太子雞翼，我個人最鍾意係串燒和牛，咬落好香牛味而且唔韌。另外，松葉蟹膏多士都令我好深印象，將蟹膏搽落多士食，食得出陣陣蟹膏香味，而且啲多士亦都熱辣辣脆口。