BKK

今日同朋友喺中環附近行街，去到PMQ元創方入面，搵到呢間幾吸引嘅泰國菜BBK，餐廳以懷舊風格為主題，座位既椅背恍如令人坐喺篤篤入面咁樣。呢度嘅侍應都係泰國人，真係好似去咗泰國咁樣啊😝炭燒和牛串配東北酸辣汁 好似一口牛咁既和牛肉串燒，微微嘅炭燒味配合酸辣汁，牛肉又鮮嫩，非常吸引❤️蝦餅配蝦沙律 蝦餅係我每次食泰國菜都必點嘅菜式，當然呢間都冇令人失望，蝦餅爽口，外皮香脆！蟹肉炒飯 粒粒分明嘅蟹肉炒飯，蟹肉味突出，炒飯嘅熟到控制得適當，份量亦都唔少😬泰式辣椒膏炒沙白配免治雞肉粉絲湯 呢個菜式啱晒鍾意食辣嘅朋友，免治雞肉嫩滑，粉絲湯清新得來又帶有微微嘅酸辣，不錯不錯。芒果椰汁糯米飯 即叫即整嘅糯米飯，一上枱糯米飯仲係熱辣辣😋芒果仲好鮮甜😝🍹Thai Collins 🍹Siam Basilico