forte (已結業)

見到openrice有優惠，於是在網站上訂位，來試試酒店的出品。以前也試過其他酒店的半自助午餐，感覺上都麻麻地，其實今次也沒有報很大期望，能到及格線就得。一到餐廳先選擇主菜，侍應好好態度，見我選擇牛柳，問我要幾成熟，我答三成后她提醒我牛柳較厚身，三成會很生，建議我五成，於是我轉要五成。跟著去行自助餐區，就冇刺身但有四款凍海鮮，沙律同凍盤都有相當多選擇，有款含香蔥的芝士非常好味，食咗好多舊～另外中式嘢都有七八款，唔中意凍嘢都不怕冇嘢食。仲有一款中湯一款西湯，都幾好飲。等咗約十五分鐘主菜來咗，先生的羊架十分軟嫩，羊膻味唔算重。我的牛柳就真係好好食～熟度啱啱好，肉汁豐富，美味程度超出期待～食完主菜個胃已經冇咩空間，食幾舊甜品就正好，講真蛋糕就較普通，不過不失。不過仲有乳酪同movenpick雪糕可以選擇，都已經冇得輸啦～今次可以話係相當滿意，forte 完全是可以再光顧的餐廳～