影片
更多
2019-04-22
101 瀏覽
同朋友聚會都少得打邊爐？今次去左火水爐。舖頭門口個招牌都好搶眼，一入到去個佈置都好得意，充滿舊式香港情懷，到嘅時間比較早，未到晚飯時間，可以隨意咁同朋友影相。其中一樣裝飾係滿座嘅燈牌，搞笑係當餐廳滿座佢真係會著，幾榮幸見證依一刻！一坐底就有人幫我地上醬料車同小食—炸陳皮魚蛋同燒賣。醬料車有蔥、芫茜、炸蒜、生蒜同麻醬，而且人到車就到，非常方便，客人唔洗郁就拎到啱自己口味嘅醬。今次同朋友點左舖頭主打嘅花膠雞安格斯海鮮火鍋套餐（$258/人）。個湯底一上黎就聞到好濃雞味，趁住佢仲清清地嘅時間飲左一啖，好香甜，而且有種屋企飲雞湯嘅感覺，唔錯！花膠同雞都十分足料，又爽又滑，比預期中好食！另外套餐內都包左唔少野食，唔同種類都有，基本一般打邊爐必食嘅都有。首先上嘅係海鮮拼盤。有大大隻嘅蝦，鯇魚，墨魚滑，肥嘟嘟嘅蠔同埋白貝。睇上去同實際食落都好新鮮。同埋佢好貼心咁用竹籤串好曬d 蝦，食起黎好方便，剝殼都容易啲，而且擺上黎都個造型都幾啱用黎影相。肉方面我地點左特級安格斯牛、美國珍寶肥牛、黑毛豬肉片。雖然兩種牛肉都唔錯，但我個人就鐘意安格斯牛多d ，口感比較嫩口同埋都幾香牛肉味；黑毛豬肉片口感幾爽。3款肉
同朋友聚會都少得打邊爐？今次去左火水爐。舖頭門口個招牌都好搶眼，一入到去個佈置都好得意，充滿舊式香港情懷，到嘅時間比較早，未到晚飯時間，可以隨意咁同朋友影相。其中一樣裝飾係滿座嘅燈牌，搞笑係當餐廳滿座佢真係會著，幾榮幸見證依一刻！
一坐底就有人幫我地上醬料車同小食—炸陳皮魚蛋同燒賣。醬料車有蔥、芫茜、炸蒜、生蒜同麻醬，而且人到車就到，非常方便，客人唔洗郁就拎到啱自己口味嘅醬。
今次同朋友點左舖頭主打嘅花膠雞安格斯海鮮火鍋套餐（$258/人）。個湯底一上黎就聞到好濃雞味，趁住佢仲清清地嘅時間飲左一啖，好香甜，而且有種屋企飲雞湯嘅感覺，唔錯！花膠同雞都十分足料，又爽又滑，比預期中好食！
另外套餐內都包左唔少野食，唔同種類都有，基本一般打邊爐必食嘅都有。
首先上嘅係海鮮拼盤。有大大隻嘅蝦，鯇魚，墨魚滑，肥嘟嘟嘅蠔同埋白貝。睇上去同實際食落都好新鮮。同埋佢好貼心咁用竹籤串好曬d 蝦，食起黎好方便，剝殼都容易啲，而且擺上黎都個造型都幾啱用黎影相。
肉方面我地點左特級安格斯牛、美國珍寶肥牛、黑毛豬肉片。雖然兩種牛肉都唔錯，但我個人就鐘意安格斯牛多d ，口感比較嫩口同埋都幾香牛肉味；黑毛豬肉片口感幾爽。3款肉都幾新鮮，冇雪藏味，亦唔會太硬或者韌。
配料方面，我哋嗌咗脆炸響鈴、鮮腐竹、滑豆腐、鵝腸、午餐肉等等。
當中我最鐘意炸響鈴，大大條又脆卜卜，吸埋湯底好好食。欣賞鋪頭上親枱嘅食物份量都幾足夠，令大食嘅我成哋唔洗忙住食啲又嗌啲，不過當然要食得哂，唔好做大嘥鬼啦。
丸類有成8樣選擇，而且唔係常見嘅丸，例如蟹子丸、爆漿魚丸、墨汁墨魚丸，鐘意試唔同嘢嘅我當然冇錯過。
另外手包雲吞水餃系列我都覺得唔錯，有雲吞(有蝦嘅)、水餃(菜肉)、魚皮餃同韮菜餃。好少火鍋鋪頭會有咁多款，韮菜餃就更少見，餡料滿韮菜香，唔食丸嘅朋友有多樣選擇。
菜就點左金菇、娃娃菜同白蘿蔔等等，個人覺得花膠雞湯底幾啱淥菜，好過食麻辣味，清啲健康啲。
飲品係汽水任飲，食到熱辣辣飲冰凍汽水真係好爽，如果想飲其他特飲就要加錢。
食咗大概1.5小時，店員會上甜品。今日嘅甜品係懷舊嘅紅豆雜果涼粉冰，第一次打邊爐之後食咁特別嘅甜品，甜度適中，食完成個人透心涼。
整體嚟講覺得裝飾有特色，食物新鮮而且上枱速度快，幾啱一班朋友或者一家大細食，我諗好快我又會再嚟食。
張貼
