鼎泰豐

營業中

休息中

一位舊同學移民外國兩年，前幾天回港渡假。今午約了我們一共五人去了新港中心飲下午茶聚舊，還指定要去吃小籠包。一入門，便看到一個趣緻的包包公仔在門前恭候客人。今次下午茶目的是聚舊傾計，所以吃什麼都不太重要。經過一輪菜牌傳閱，都只是揀了些普通菜式算了。小籠包是佢指定要吃的，所以點了兩款小籠包，一是普通原味版的小籠包，另一荔芋小籠包。【小籠包】皮薄，十八摺，肉汁豐富。【荔芋小籠包】是甜點一款，內裡的芋蓓都幾香甜的。【蘿蔔絲拌海蜇皮】清清爽爽，夏日涼品。【醬汁黃花魚】較為重口味。【蝦肉煎餃】啲皮煎得好脆口，蝦肉雖然唔多，但都爽口。【紅燒牛肉麵】牛肉炆得好腍，好有肉味。【高湯蒜蓉炒菜心苗】蒜蓉味夠香，食菜心夠晒正氣。【菜肉包】係特別醒佢食的，佢話好耐無食過咁正嘅包。其他嘢食較為普通，不作描述。五人開開心心就渡過個半鐘。