COBO HOUSE (已結業)

Cobo house 未變成fine dining之前，喺西環舊舖已經去過兩三次。以前價位比而家低，食物選擇多甜品更是出色。而家食物都非常出色，不過價錢問題食得不夠痛快。有特別神秘餐單，今次揀咗4 courses meal。女孩子夠飽，男孩子就到喉唔到肺。個牛油有焦糖味非常出色。我哋每人嗌左杯雞尾酒。飲落去冇乜酒味但係原來酒精濃度都唔低，都會有面紅嘅感覺。今次比較遲book,坐唔到窗口位望住個海景。如果唔係整體環境、食物質素同職員態度都好好。期待佢哋會出À la cart甜品Menu，因為印象中佢哋舊舖嘅甜品非常出色。