25
6
3
餐廳: COBO HOUSE
優惠: 食飯可賺里兼用里?立即訂枱吧!
用「里數加現金」付款,最高可賺$4=3里。受有關條款約束。
條款及細則:
  • 會員每次賺取「亞洲萬里通」里數之消費上限為HKD10,000。
  • 會員凡於國泰夥伴餐廳用膳,每消費HKD4即可賺1里數。
  • 渣打國泰Mastercard®持卡人憑卡於夥伴餐廳簽賬消費,除可享基本餐飲類別之合資格簽賬HKD4=1里數獎賞及餐膳里賞HKD4=1里數獎賞外,於星期五、六及日的餐飲簽賬更可賺取額外HKD4=1里數獎賞("聯營信用卡餐飲簽賬里賞"),合共獲享HKD4=3里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 通過交易賺取里數時,不可使用與夥伴餐廳有關的其他推廣或折扣優惠。請於惠顧前先向有關餐廳查詢。
  • 賺取的里數(包括餐膳里賞及渣打國泰Mastercard餐飲簽賬里賞)將於認可餐膳消費交易後7個工作天內存入會員的賬戶。
須受其他「亞洲萬里通」條款及細則約束
港鐵尖沙咀/尖東站 J 出口, 步行約2分鐘 繼續閱讀
電話號碼
26563088
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
*Last Order: 14:00; 20:00
付款方式
Visa Master AlipayHK 支付寶 現金 AE OpenRice Pay
座位數目
55
其他資料
餐廳運作模式 - B類
Wi-Fi
酒精飲品
自帶酒水 詳細介紹
切餅費 詳細介紹
加一服務費
當面支付
優惠
餐廳: COBO HOUSE
優惠: 用「里數加現金」付款,最高可賺$4=3里。受有關條款約束。
條款及細則:
  • 會員每次賺取「亞洲萬里通」里數之消費上限為HKD10,000。
  • 會員凡於國泰夥伴餐廳用膳,每消費HKD4即可賺1里數。
  • 渣打國泰Mastercard®持卡人憑卡於夥伴餐廳簽賬消費,除可享基本餐飲類別之合資格簽賬HKD4=1里數獎賞及餐膳里賞HKD4=1里數獎賞外,於星期五、六及日的餐飲簽賬更可賺取額外HKD4=1里數獎賞("聯營信用卡餐飲簽賬里賞"),合共獲享HKD4=3里數。
  • 會員所賺取之「亞洲萬里通」里數將根據賬單總金額計算,包括服務費及稅項,但不包括小費。
  • 通過交易賺取里數時,不可使用與夥伴餐廳有關的其他推廣或折扣優惠。請於惠顧前先向有關餐廳查詢。
  • 賺取的里數(包括餐膳里賞及渣打國泰Mastercard餐飲簽賬里賞)將於認可餐膳消費交易後7個工作天內存入會員的賬戶。
須受其他「亞洲萬里通」條款及細則約束
食評 (38)
等級4 2021-10-12
6079 瀏覽
☕️ 食物:👍🏻👍🏻👍🏻👍🏻👍🏻 /5💰 CP值:👍🏻👍🏻👍🏻👍🏻 /5🤵🏻 服務:👍🏻👍🏻👍🏻👍🏻👍🏻 /5🛋 環境:👍🏻👍🏻👍🏻👍🏻 /5今年的慶生飯局源源不絕,實在太令人興奮 😊 這次是多年好友和老公瞞著我低調地安排,旨在為我帶來大大的驚喜 🥰 那天老公又偷偷帶我來到K11-Musea,原來是要拜會「她」!「COBO」意思是Community Of Bohemians,即波希米亞優閒風格。餐廳打破常規餐廳的飲食概念,將美食製作成一道道如藝術品呈現於顧客面前。餐廳現以季度形式推出個別食品素材為主題的set lunch,剛由10月1日起推出的第六章,主題食材為「Legumes Complexion」,利用各種不同豆類製成層次豐富、顛覆味蕾的佳餚。客人可自由挑選4/6/8道菜式,更可配合美酒wine pairing 🥂🍷值得一提,餐廳兩位主廚Chef Ray及Chef Devon是土生土長香港人,他們曾在各大米芝蓮餐廳任職,以其兩極的個性,泡製出一系列別具風格的美食。💋 4/6/8道菜午餐 ($680/1180/1480)💋 3小時香檳任飲🥂或4杯美酒wine pairing 🍷 ($580/$620)麵包:型似德國brezel 🥨 的麵包,中等軟硬質感,卻帶著香濃的麥味,配上幼滑又香濃的黑松露鵝肝醬,很滋味~(1) 綠豆用綠豆製成的粉皮做基礎,配上日本迷你白海老、櫻花蝦及炸綠豆粒,海老鮮甜,櫻花蝦和炸綠豆粒香脆,帶出不同口感,再以菜心莖配雲呢拿油作點綴,菜式帶淡淡咖哩味,既開胃又新穎;個人略嫌粉皮做得不夠薄而已~(2) 碗豆碗豆粒化身為底層,夾雜著發酵蕃茄啫喱,中層是用日本提子汁經冷凍技術做成的泡沫層,形態恰似一片雲 ☁️ 樣子很可愛,而面層則是用來提升鮮甜度的日本晴王提子;最後的主角就是畫龍點睛的小麥油(terigu oil)提子汁,完全帶起整個菜式的豐富味道~(3) 斑豆、白豆這個斑豆和白豆的組合有點像我們的扁豆赤小豆湯 ☺️,大廚以牛肝菌、炸脆米粉和意想不到的潮州小鹹蜆來個fusion做法,加上比巴馬火煺更香更多油脂的Culatello火煺,還有矜貴的黑松露薄片,整體配搭新穎,有豐富的口感之餘,味道層次感亦很豐富~(4) 紅扁豆第一道主菜是精緻的白鱈魚,皮脆肉嫰,肉質比較結實,油份重,魚肉浸在香濃的紅蘿蔔油裡,味道非常新穎。紅扁豆則用上脆炸的方式呈現,與魚肉配成相反的口感,很有趣。另外還有大根薄片來提升魚肉的甜味,喜歡刺激的朋友可以沾上碟旁的韓式辣麵豉醬,整體味道突然變成另一個更豐富的層次~(5) 紅腰豆、紅蘭度豆另一道主菜是燉煮牛肋條及牛肚,肉味較濃郁,質感則帶點咬口,用上墨西哥香辣肉醬來襯托,整體味道微辣,配以炸羽衣甘藍和用紅蘭度豆造成的酥餅來吃,質感煙靭,很特別(6) 納豆、紅豆、黃豆最後的甜品竟然是納豆雪糕,輕帶納豆味,再淋上沖繩豉油糖漿,加上底層的紅豆蓉,還有那片脆炸豆腐皮,整體不會太甜,反而散發着淡淡的豆香,無論味道、口感都是前所未有的新感受! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-13
530 瀏覽
朋友生日,選了Cobo House,在網上見評論甚佳,抱著期望,一心要試試Fine Dining。去到門口,看見其獨特高雅的裝修,檯與檯之間十分之寛敞,很舒服。旁邊全是落地大玻璃,可見維港靚景。👍🏻今期菜單以豆為主題,枱面上以試管裝了將會入饌的6種豆,有趣!餐牌亦很特色,是檯頭的式仔。👍🏻餐牌只有三個選擇,是四道菜($ 680) ,六道菜($1180) 及8道菜($1480),我們四人都選了6道菜。先上餐包,樣子已很美,碟亦係。麵包皮有點煙靭,很香牛油味及麥味,唔搽旁邊的黑松露醬都好好味。👍🏻👍🏻👍🏻第一個前菜是用碗豆做底層,中層似豆腐,面是麝香提子汁做的啫哩,樣子十分之可愛。可惜味道只是清清淡淡的,並不特別吸引。👎🏻第二道菜樣子十分之吸睛,放在一張紙上,增加碟面的圖案。底層是用碗豆磨成蓉然後炸成脆片,香香脆脆,上面是軟殻蟹,放上食用花,靚。食落香口,軟殻蟹味道濃旭,好味。😋😋😋第三道菜白豆及牛肝菌做底,中層是西班牙火腿,而面層放上黑松露。這道菜味道還可以,因有黑松露及牛肝菌提香,但味道不很協調,不是我杯茶。👎🏻👎🏻第四道菜,用白蘿蔔做面,紅扁豆做成豆腐模樣,無疑食落有特別口感,但味道有點怪怪的,不好味。☹️☹️第五道菜是主菜,有黑毛豬 ,旁邊是蒜苗,醬汁是以味噌做成,還有黑松露醬。肉質嫩滑,濃濃豬肉香味。可惜的是其中一件放了我不喜歡的醬,反而影響整體感覺。黑毛豬本身的肉質已好味,無須加什麼調味料。甜品是以豉油做成的雪糕及蛋糕,有創意。口感軟滑,味道十分之咸,不好味。👎🏻👎🏻👎🏻服務方面,員工有禮貎,每道菜出場時都會介紹,但感覺態度冷淡,像背書,有點可惜。整體而言,Cobo House 的食物無疑是花了很多心機去設計,但味道卻不佳,以這個價錢或更低價錢,有很多更佳的選擇。 繼續閱讀
(以上食評乃用戶個人意見 , 並不代表OpenRice之觀點。)
等級3 2022-01-12
0 瀏覽
好彩月頭book左,仲食到晚餐新menu係飛禽走獸😂選擇左8 courses menu麵包好好食👍🏻配埋黑松露牛油好夾前菜鵝肝雪糕最好食,蒸蛋好滑,迷你生煎包好可愛😆雞肉配珍珠蠔個配搭幾新奇,估唔到又幾夾烏冬個湯好有雞同海鮮味,望落好creamy但食落又唔會太漏,唔錯熟魚配鵝肝又係好少食到的配搭,好食😋慢煮薯仔再炸的做法非常好,舊薯仔真係好好食!大根配乾式熟成鴿肉,鴿肉煮得好嫩滑黑松露雞肉薏米加左少少紅油,個味好特別,口感煙勒,印象幾深刻主菜係鴨肉卷,配埋個醬好好食👍🏻👍🏻👍🏻朋友選擇轉食魚,我覺得鴨卷好食啲之後有個清味蕾的鹹蛋小雪糕,雖然食唔出鹹蛋味,但連埋個酥炸脆餅底食都好正另外因為生日所以叫左佢個signature 蛋蛋甜品,裏面係杏脯醬,個人對杏脯感覺一般,甜品外型設計比味道出色叫左杯sunny side up mocktail都好好飲,而且個樣好適合打卡影相Overall呢個menu全部都幾特別同都幾好食,但份量少左啲,男仔可能會唔夠飽,如果餐前包多一兩件會更好。性價比算唔錯,每6個星期轉menu,我會想再試的👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2021-12-18
195 瀏覽
Tasting menu幾特別,想分享下。可能因為我們沒有訂檯,所以沒有窗邊位,但餐廳環境寬敞,坐在靠入一點的檯都可以欣賞維港景色。坐得很舒服,時間不經不覺經過,吃了兩小時有多都不會悶場。我們兩個男仔,最關注的是能否食得飽。侍應說雖然食物分量不大,但餐單用豆做主題,所以會飽,最後我們離開的時候又真的夠飽。Tasting menu 有兩款,可以選6道或者8道菜。侍應每次上菜時都會好像演講嘉賓登台一樣,緩步走到食客面前,流利地介紹小碟上複雜的菜式。食材太刁鑽,正常人應該不太聽得懂眾多食材的名稱,聽得懂也不容易記得住。最記得的是一些零碎,無無聊聊有誇張的搞笑位,例如說其中一碟靈感來自我們身後的一幅畫,食物就是藝術人生。看著動作生鬼又一臉認真背誦台詞的講者,我不爭氣地笑了出來……每道菜都有分子料理的特色,不是以量取勝,而是細細分又香噴噴,讓你珍而重之地細細品嘗。有些食材可以好奇特地出現,例如豆腐會出現在焦糖味的甜品裡而又出乎意料地和諧;肉加豆再混合醬油又可以變成日本風味小菜……只不過,有三個地方可以改善:(1)明明門口有實體menu,但埋位就只有一塊木雕qr code menu。我同朋友掃極都掃不到,最後侍應只能給我們用他們的padpad看menu。除了找阿茂,還可以找另一個整餅的~(2)我喜歡紫蘇葉的味道,所以點了紫蘇葉mocktail,但紫蘇葉味可以突出些。(3)其中一碟菜有不同濃度的肉,如果侍應提點進食先後次序,一定可以提升享受。這晚的體驗好舒適,好relaxing。如果連個別小問題都改善,就perfect池了。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-11-18
1520 瀏覽
看到宣傳話Cobo House呢個月menu係 Italian x Asian,之前一直想試下呢間餐廳,所以book咗枱去食,叫了八道菜的full experience。第一道係三種不同顏色的意大利蕃茄,侍應建議由淡至濃食,分別配搭的醃檸檬醬、焦糖橄欖醬以及日本うまみ醬,分別帶來酸、甜、鹹的味道,即使係咁,都不改蕃茄清新的味道。第二道是pane carasau,意大利的長扁身的薄餅,上面鋪滿混合了青醬的mascarpone cheese,是常用於tiramisu同cheese cake,味道濃郁,另有魚子醬、無花果,以及無花果汁整成的圓珠。無花果為整道偏鹹的前菜增加一點酸甜的味道,不過個人覺得味道仍然偏濃。第三道是北海道帶子,中間有一小片的意大利豬背油Lardo,食到帶子鮮味之餘,仲有淡淡油香,頂層的小椰菜經焦糖化處理,為整道菜帶來脆脆的口感,一流。不得不提當然是旁邊的卡邦尼泡沫,用蛋黃、意大利bacon、羊奶芝士、瑤柱高湯整成,泡沫上灑上了昆布粉,味道幾濃的,建議先試一啖無醬的帶子,然後再連醬,就會食到分別。第四道是arancini,意大利的飯團,一般做法係喺飯團內加芝士、肉醬等,但今次大廚將飯團壓成飯餅,面頭有乾的菇片和冬菇粉,以及青瓜粒,配兩款醬,橙色的是XO醬,飯餅點呢個食,完全似食煎燶咗的蘿白糕咁,個人prefer另一款白色的tzatziki醬,用青瓜同檸檬整的乳酪醬,夾返本身偏鹹的飯餅食,味道清新啲。接住出場的係較多汁的raviolo,雲吞皮用墨汁整成,餡係鱈場蟹肉和膏。Raviolo上面係生的羅馬生菜,底係發酵過,味道較酸的羅馬生菜。平時食蟹會點蟹醋提升鮮味,今次就靠呢種發酵羅馬生菜的酸味來吊味,酸味唔算強烈,但依然有啲蓋過了蟹肉的味道,唔太能做到提鮮效果。嚟到中後段,係時候嚟啲主食,今次係semini pasta,即係米狀意粉,配上幾片油香勁濃的劍魚腩薄片,怕太漏,可以以車厘茄的酸味中和一下,怕成碟嘢淋糍糍,面頭嗰片炸脆咗的菜心就可以增加返口感。主菜加了$180,由牛仔肉升級為A3和牛西冷,火喉一流,另配上一片中拖羅。醬汁有三款,包括白甘筍puree、日本白豉油,仲有青色的gel,由青提子和酸豆製成,味道較甜。原本菜式以牛仔肉為主,油分低,所以會配上一片中拖羅 balance 返,但由於我加咗錢要和牛,結果兩者夾埋有啲太油了,可能唔加錢要和牛的整體感覺會較好。另外擺盤嚟講,呢一碟最失色,好似趕住上菜咁放埋啲嘢一齊,有啲扣分。最後甜品有兩款,infuse咗港式檸茶味道的巴巴蛋糕,第一次食呢種甜品,咬落去入面充滿住水份,感覺就係浸咗喺檸茶入面的蛋糕仔咁,十分有趣,雪糕係burrata cheese,奶味非常濃郁,剛好與巴巴蛋糕的清新相映成趣。另一款甜品係以espresso整成的泡狀物體,要一啖連埋底下的鳥結糖同斑蘭葉一齊啜入個咀,個泡就會喺嘴內爆開,混合三種味道,以espresso的苦味最搶,但慢慢斑蘭葉的香會散喺口中,鳥結的甜亦會稍為中和苦味,會感受到變化過程。八道菜$1480,價錢算合理,水係好似茶位咁計,飲幾多枝sparkling都係同一價錢,餐廳環境幾舒適,侍應反應快亦有禮貌,整體體驗係唔錯,下次想喺日頭嚟,可以清楚望住維港景應該會食得仲開心。 繼續閱讀
(以上食評乃用戶個人意見 , 並不代表OpenRice之觀點。)