影片
更多
2016-04-19
1635 瀏覽
今日同女友三週年紀念。呢排大家做野忙都好少出街食飯。趁住今日我放假佢要返工，比個surprise佢接佢收工 加帶佢食餐好既！要食得盡情又開心梗係食放題啦~~不過揀食邊間放題都幾頭痕！於是我係whatsapp群組攞下意見😁有幾個朋友話旺角至尊滿屋得得地，好啦信佢地就呢間！去到見到d裝修幾好喎，好日本feel, 地方都頗大，感覺唔逼夾。開放室廚房仲睇到d師傅整食物，又有好多sake裝飾，好似去左日本居酒屋咁，哈。呢度d食物種類好多，而且分類幾好，有兩本比人揀。我地都急不及待係咁剔野食嘞！！牛舌厚度適中，太厚會韌，太薄又無口感。呢個厚度既食到牛舌香味又爽口，正。我對天婦羅既要求好高，因為我好中意食😋呢度既大蝦天婦羅10分我比9分！！炸粉唔厚，而且炸得好鬆脆，咬開鬆脆既外層就食到鮮嫩既蝦肉。美中不足係碟天婦羅汁少左dd姐🙊嘻嘻。煎羊架~~~放題有煎羊架食~~仲要係有誠意，唔係煎到乾哂或者細細舊既！！香口又無蘇味，好好吃！刺身拼盆(我地點左希靈魚，三文魚，生蝦，帶子，玉子) 夠新鮮。要讚三文魚既顏色好有光澤，生蝦超甜，其他都唔錯。仲有四款期間限定既春/夏/秋/冬壽司。我地點左"秋"同"夏"。件壽
要食得盡情又開心梗係食放題啦~~不過揀食邊間放題都幾頭痕！於是我係whatsapp群組攞下意見😁有幾個朋友話旺角至尊滿屋得得地，好啦信佢地就呢間！
去到見到d裝修幾好喎，好日本feel, 地方都頗大，感覺唔逼夾。開放室廚房仲睇到d師傅整食物，又有好多sake裝飾，好似去左日本居酒屋咁，哈。呢度d食物種類好多，而且分類幾好，有兩本比人揀。我地都急不及待係咁剔野食嘞！！
牛舌厚度適中，太厚會韌，太薄又無口感。呢個厚度既食到牛舌香味又爽口，正。
我對天婦羅既要求好高，因為我好中意食😋呢度既大蝦天婦羅10分我比9分！！炸粉唔厚，而且炸得好鬆脆，咬開鬆脆既外層就食到鮮嫩既蝦肉。美中不足係碟天婦羅汁少左dd姐🙊嘻嘻。
煎羊架~~~放題有煎羊架食~~仲要係有誠意，唔係煎到乾哂或者細細舊既！！香口又無蘇味，好好吃！
刺身拼盆(我地點左希靈魚，三文魚，生蝦，帶子，玉子) 夠新鮮。要讚三文魚既顏色好有光澤，生蝦超甜，其他都唔錯。
仲有四款期間限定既春/夏/秋/冬壽司。我地點左"秋"同"夏"。件壽司好靚呀，好似件藝術品咁~~味道仲好好食！係有賣相又好味道既用心之作👍🏻
呢度除左任飲啤酒汽水同多款飲品外，仲有甜品櫃甜點選擇！最後仲可以叫Haagen-Dazs同Movenpick雪糕雪條(每人限點一次) ！！二百零蚊食左餐有質素仲有靚甜品既放題，值得再去！
張貼
