639
39
59
港鐵旺角站 E2 出口, 港鐵旺角東站 B 出口 繼續閱讀
電話號碼
36222688
36222323
付款方式
Visa Master AlipayHK 支付寶 現金 銀聯 微信支付
座位數目
300
其他資料
Wi-Fi
酒精飲品
VIP房
電話訂座
外賣服務
加一服務費
食評 (805)
等級4 2020-03-04
1746 瀏覽
早排食過滿屋放題質素唔錯,今次同先生book咗旺角嘅至尊滿屋,睇下有咩唔同。一入門口就係自助吧,有沙律、湯品同油炸小食,特別推薦炸奶皇包同蝦春卷,好有驚喜。旁邊係飲品區,選擇豐富,仲包括酒精飲品。飲品櫃側面係甜品同生果,當然唔少得先生至愛嘅豆腐花。首先送上嘅係刺身,我因為生理期唔食得太多生冷野,主要都係先生食,新鮮程度依舊。赤蝦壽司依然係我嘅最愛,配上黑松露作點綴,令鮮味倍增,不得不為佢破戒。另一樣令我破戒嘅係海膽手卷,非常新鮮,底下嘅飯比例上好少,食多兩件都唔怕滯。嚟到熟食嘅部份就係我嘅世界,燒物果然冇人失望,特別係雞翼同牛舌,燒得恰到好處,夠哂香口。羊鞍燒得啱啱好,用嘅係紐西蘭羊鞍,配上香草一啲都唔羶,口感嫩滑。炸物亦相當出色,特別係芝麻雞翼,外皮金黃香脆,配上白芝麻令雞翼更加香口;榴槤炸彈亦從來唔令人失望,榴槤餡夠哂流心夠哂香;唯一係吉列廣島蠔略嫌有些許腥味。虎蝦天婦羅大大隻,炸得夠脆,而且冇油膩感,咬落肉質嫩滑彈牙。吉品鮑汁燴花膠夠入味,雖然花膠唔算大隻,但勝在燴得夠軟腍。最後係每人限定一杯嘅雪糕,我哋揀咗Dreyer’s嘅比利時朱古力同十勝紅豆,朱古力味夠香夠濃,係先生嘅最愛;十勝紅豆雪糕香甜軟滑,加上紅豆粒增加口感,亦係一個唔錯嘅選擇。至尊滿屋同滿屋分別唔大,性價比都係咁高,每位都係二百蚊左右落樓,一般日式餐廳叫幾款食物已經差唔多價錢,我哋反而開始偏向揀日式放題,食物嘅款式多元化,即使唔洗博命塞都一定翻到本。 繼續閱讀
(以上食評乃用戶個人意見 , 並不代表OpenRice之觀點。)
大食嘅我其實真係好鍾意食放題,加上近年嘅放題質素好咗好多,俾二百幾蚊就食到飽哂😛。如果去居酒屋嗌同一份量嘅食物,應該要雙倍價錢。呢晚同朋友去咗瓊華食放題,餐廳近期做緊九折優惠,更加抵。事不宜遲,即刻點嘢食!點餐紙起碼有成十版以上,花多眼亂,但反正任叫,想食就嗌囉😊。不過今日張枱細啲,唯有逐啲逐啲嗌啦。其中重點講幾樣好食嘅😋!第一位係燒紐西蘭香草羊鞍,呢個真係勁高質。🐑羊鞍應該係落單後即燒,所以等左比較耐先有得食。肉質非常嫩,生熟度啱啱好,而且羊羶味亦都恰到好處,用上香草🌿調味超正。每人食咗三件,平日出面串燒店食一件平極都$38啦,食多件已經回本啊!另外,炸物亦都相當唔錯,特別係吉列廣島蠔🤤,廣島蠔肥美,而且唔腥。炸鮮蝦雲吞同芝士薯球都OK,因為係熱辣辣炸起。食放題又點少得刺身呢?我哋每款都嗌咗啲,除咗今日無北寄貝外。刺身都幾新鮮,而且係厚切,唔會因為係放題就變得孤寒👍。鍾意食壽司嘅我,亦都食咗好多嚿🍣!餐廳唔會諗住整到舊飯大大嚿塞飽你,相反係比平日迷你啲。我推介醬燒三文魚壽司同埋炙燒蒜香和牛壽司。鐵板雪花牛柳粒🐮都唔錯,幾Juicy,配埋蒜片食好夾。最後我哋仲食咗牛肉火鍋添🍲!依個係二人份量,大小適中,上面打咗隻蛋,下面有唔少肥牛、蔬菜同粉絲,個湯甜甜地,幾正。放題好抵食嘅一個賣點就係一人有一杯名牌雪糕🍨!超市減價都廿蚊杯啦。除咗雪糕,其實仲有個甜品櫃,都有唔少選擇🧁。飲品櫃有茶、汽水🥤同啤酒🍻等等。另外,自助吧亦都有前菜🥗同熱食🥘等提供!當中有我好鍾意食嘅腐皮同中華沙律😊。總括嚟講,我覺得放題真係好抵食,又好啱我,因為可以放肆咁食同飲,唔使計住計住🙈。最重要嘅係食物質素無因為任食嘅關係,而變得唔好食、唔新鮮!所以餐廳能夠喺逆市中仍有唔少食客幫襯係有原因嘅👏。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-01
527 瀏覽
至尊滿屋係一間平價日式放題,平日黃金時間都係二百蚊倒,店內起碼有一半座位都係高身卡位,哩點對於疫情期間好緊要,所以就算而家疫情嚴峻,都仲有好多人黎幫趁。至尊滿屋就同好多放題店一樣,刺身壽司燒物天婦羅炸物一品料理乜都有,大部份都係喺點菜紙落單。而沙律同湯就可以喺出面自助吧自取。飲品選擇唔算特別多,不過無論韓牌飲料紙包飲品汽水啤酒都有。最舟別係清酒同梅酒都有得任飲,酙左少少梅酒黎試,酒味唔太重,幾易入口。甜品選擇都有唔少。一坐低當然每人拎返罐野飲先,野飲雪得夠凍。刺身普通放題質素,雪味唔重可以接受。壽司款式幾多同比較特別,每件大約係平時半件咁大,可以試多幾款。其中火灸類壽司比普通壽司出色,我就特別鍾意中間燈色嘅醬燒三文魚壽司,三文魚好腍有啲入口即融嘅感覺。除左壽司之外,佢仲有幾款創意卷物左邊係醬燒玻璃蝦海鮮卷,右邊係意大利黑醋芝士鰻魚卷,兩款都幾特別味道唔錯。芥辣八爪魚軍艦係我嘅至愛,每次都一定會點。手卷係迷你size,食完都仲有大把肚量食其他野。北海道焗廣島蠔蠔肉唔特別大隻,不過放題質素都算係咁。右邊個西京比目魚甜甜地幾好食,魚肉唔會太腍。鹽燒青花魚燒得啱啱好,唔多骨,加啲檸檬汁酸酸地幾好味。鐵板燒雪花牛柳粒唔算特別腍,普普通通。芝麻雞翼煎得夠乾身,唔會太油,幾香口。榴槤炸彈係炸皮包住榴槤蓉,榴槤味都幾香,榴槤控可以試下。日本番薯仔唔算好甜,不過放題黎講可以接受。鹽燒牛舌黑椒同鹽落得夠,幾惹味。鹽燒海蝦以放題黎講算幾大隻,蝦肉亦結實,必點。燒菠蘿就略續唔夠甜。紹興花雕醉蝦冇乜酒味,蝦亦冇鹽燒海蝦咁大隻。牛肉稻庭烏冬細細碗叫做過下口癮,烏冬唔會太腍。甜品揀左幾款黎試,蛋糕類普遍偏乾,反而左上角嘅朱古力慕絲好滑好濃朱古力味,朱古力迷一定要試。仲有現成維他豆腐花。雪糕有D牌M牌H牌,不過每人只限一杯。十勝紅豆幾香甜,紅豆唔會因為雪凍左而變硬,比利時朱古力就好濃朱古力味,兩款都好味。總結,食物正常放題質素,其中火灸壽司同燒物較為出色,食物款式都幾多,上枱同收碟都快,哩個價錢都抵食。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-06
55 瀏覽
好耐之前朋友幫左我忙,今晚慰勞下佢請佢食番餐勁嘅。食放題係最好不過,合乎預算食幾多都得。此食店已來過了幾次,最喜歡佢生熟食物同樣有質素,環境闊落侍應服務殷勤,食得開心自在。手卷細細條多料飯少,非常喜歡的比例,三款手卷有海膽、麻辣蜆肉和芝士飛魚籽。以海膽手卷最吸引,好creamy又唔腥,食完半打再半打,非常滿足。千島醬燒帝王蟹棒壽司都好正,醬汁甜美蟹棒厚身咬落彈牙好有質感。三文魚腩紋理好靚,甜蝦肉質彈牙,北海道帶子大粒厚肉,樣樣都好新鮮。芝麻雞翼外脆肉嫩,炸得香脆食得滋味,榴槤炸彈流心餡漿榴槤味濃郁芳香也是必食之選。鹽燒海蝦要脫殼食落唔係咁方便。鹽燒鯖魚都幾大份肉質嫩。燒羊架大件,燒得香口肉質軟身唔羶。麻辣鴨腎好薄惹味好爽口,食一碟係唔夠喉,又ENCORE。北海道焗廣島蠔蠔身細粒充滿芝士和洋蔥,食落非常美味。吉品鮑汁燴花膠盛宴,花膠大塊且厚身,而且花膠好淋食落唔腥。成件花膠填滿個口好正。牛肉火窩牛肉半生熟加入蛋汁又滑又香,最愛和金菇一起吃加份爽口感,湯底甜甜地相當味美。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-14
85 瀏覽
好耐冇嚟食過放題啦,因為慶祝生日所以嚟呢間至尊滿屋。佢係比較傳統式嘅,仲係寫紙仔嗰種, 可以任食兩個鐘。 食物係唔錯,員工態度都ok,但最大問題就係佢張枱真係太細!!! 行出行入好驚會掃到隔離枱嘅食物,一次過唔可以點太多食物,要慢慢咁樣入紙,如果唔係張枱完全擺唔曬d野食。 雖然係咁,但以佢價錢同埋以下食物嘅質素,我覺得都係好ok嘅 首先食放題當然係要食刺身啦!!佢上菜好快嘅,而且食物都係有畀足,唔係嗰啲寫十片得五片上嚟嗰啲。 另外放題最鍾意食嘅就係燒野呀,燒菠蘿都幾甜。 佢同時仲有一個自助區,可以係出面拎啲沙律/酸薑/泡菜呀等等,呢個麻辣雞翼尖都唔錯另外好似仲有啲牛腩同中湯等等。 另外寫紙仔嗰度都係有好多熱食同中菜嘅。嘢飲同甜品都係自取嘅,仲有酒添。甜品非常迷你,可以樣樣試少少咁,不過我地太飽所以冇試到甜品。 唔食甜品留肚比放題必備嘅一人一個雪糕!佢haagen dazs仲係有季節限定嘅味道嘅,今日就係呢個柚子橙味,幾開胃。 繼續閱讀
(以上食評乃用戶個人意見 , 並不代表OpenRice之觀點。)