至尊滿屋日本料理 (已結業)

我個有細玩到大嘅好朋友今日生日，咁生日飯就諗住帶佢食好少少啦，所以我就決定帶佢去食放題啦，大眾化之餘，選擇性又高，咁我就book咗枱，嗰晚去食啦！睇一睇嗰個餐牌都幾多嘢食架，選擇種類又多，又有刺身又有熟食又有甜品，飲品仲要係任飲添！食放題通常我哋第一時間都係攞咗嘢飲先嘅，估唔到飲品種類都幾多架喎，又有汽水啤酒果汁茶仲有清酒飲添，諗住今晚不醉無歸😂😂😂我個朋友就最鍾意食壽司架啦，所以佢瘋狂地叫壽司，話要食返夠本喎，壽司種類真係幾多架，又有軍艦、卷物、手卷、火灸壽司等等，真係好多選擇！真心推薦芝士醬燒皇帝蟹柳壽司，真係好鮮甜啲肉，仲要加埋芝士，個口感真係好唔錯軍艦壽司都好好味，好出色食日本野點可以唔食天婦羅架炸得超香超脆，尤其是炸蝦天婦羅，蝦肉係爽口嘅，又夠大隻，真心覺得好好味我個朋友就叫咗碗喇沙，非常之足料又有蝦又有青口等等，辣味程度適中，麵底係烏冬嚟嘅，非常之滑同好彈牙鹽燒雞翼都好好味架，配埋檸檬汁，真係整得幾入味！呢間放題唔錯下次再黎👍🏻