至尊滿屋日本料理 (已結業)

依家食放題都要兩百蚊左右，反正都係食，當然要食好少少啦，貪至尊滿屋款式夠多，可以滿足到我同朋友😋三位送每人一隻牡丹蝦👍大隻又鮮甜，唔錯😋另一張刺身相唔見咗，但至尊滿屋嘅刺身係我食過咁多間放題最滿意嘅！切得厚身，魚類嘅魚油甘香～頭盤小食選擇多，有無骨泰式辣鳳爪，好爽口，酸酸地，反而唔太辣。芝麻八爪魚好大隻😍呢到有特飲，白桃味，仲可以加椰果蘆薈～芥末八爪魚手卷，飯唔會太多，仲可以試多啲其他款😜芝麻雞翼好大隻，一定會叫兩次😂炸得好透好熱，食嘅時候一定要小心辣嘴！辣酒煮螺，好大粒，個汁好辣好味，仲有蘿蔔👍炒雜菜，小食見真章，夠味但覺得有啲油膩。燒翠肉瓜好食！啲汁鎖晒係入面😋燒菠蘿，甜而不酸，多汁👍甜品選擇一般，但有得食Movenpick或者HagenDaz😜