至尊滿屋日本料理 (已結業)

今晚同朋友一齊放題，大食一餐！我地去左旺角嘅至尊滿屋放題，生食熟食，任食唔嬲！避風塘黃金炒蟹紅當當一大盤，每人一盤，有炸蒜蓉配住蟹食tim！呢隻蟹好大隻，見到佢d腳就知啦！蟹膏中痴住係d蟹肉上面，一啜蟹膏即入口！蟹夾好大隻中好貼心咁幫食客剪左頂部，可以直接用筷子挑鮮嫩嘅蟹肉出黎食！係呢度放題又點少得叫上刺身呢！ 刺身包括有 三文魚 鮑片 螺頭片 同埋元貝所有嘅刺身都好新鮮我哋仲叫咗各類型嘅壽司啦 有 芝士醬燒帝王蟹棒壽司蟹棒係超大條勁juicy，啖啖肉，蟹棒配埋芝士係一個超級正嘅配搭！然之後我哋仲叫咗火炙汁燒魷魚鬚壽司，好精緻嘅魷魚舖喺飯糰上面，仲有少少鹹鹹哋嘅醬汁配埋 ，成嚿壽司嘅味道都好好。香芒海鮮卷，有一塊酸酸甜甜嘅芒果包著三文魚壽司上面仲有少少嘅蟹子， 呢個係至尊滿屋嘅推薦所以我哋就叫咗每人一件 咁樣我哋就可以留番個肚食其他嘅食物。同一碟嘅香芒海鮮卷入面呢仲有花之戀壽司，花之戀壽司真係好抵讚！有兩塊超大塊嘅三文魚包住細細嚿嘅飯糰，舊飯團只係好似指甲咁細舊 ，上面配咗一陣沙律醬仲有少少嘅蟹子 喺燈光嘅照射下，令到每一粒蟹子都晶瑩剔透， 一啖食落口，除咗可以品嘗到鮮甜三文魚嘅味道