豊勝手丼 (已結業)

琴晚放工和朋友去了銅鑼灣Vpoint的豊勝手丼食日式丼飯，環境方面不算太大，但座位舒適的。餐廳的丼飯可以自選或選擇已set好的，丼飯可以另加 HKD25.00 配以前菜，沙律，味噌湯。前菜，沙律，味噌湯：前菜加入了蟹籽可增加卜卜口感，沙律幾好食，味噌湯反而有點過咸。自選三款丼飯：我今次就選了三文魚腩，日本雲丹 (日本海膽)，加奈陀雲丹 (加拿大海膽)。由於紫雲丹 (紫海膽) 因當地打風關係而缺貨，希望下次有機會食到啊！壽司飯細細碗，但飯可以無限添加，飯口感軟熟又香口。而三文魚腩入口慢慢溶化，當中更有不少魚油滲在口中。日本雲丹 (日本海膽)會比另一款為濕潤，所以放於口中更容易溶化，海膽味香口，帶點兒甘香。加奈陀雲丹 (加拿大海膽)會較大片點，味道會比前者更香口一點。波子汽水：日式飲品可解渴。