船渦

營業中

休息中

朋友好中意食海鮮，今日就帶佢黎船渦食，一路傾下計一路蒸下海鮮。有四個套餐可以選擇，我地就揀左八府巡按套餐，食材豐富，食到好飽。三點刺身北寄貝煙韌爽口，甘蝦味道鮮甜，帆立貝口感彈牙。炸物芝麻雞翼炸到外脆入面好嫩滑，雞軟骨餃子有咬口。海鮮材料有白蜆，蝦，鮮魚片，鮑魚，龍蝦，元貝，蟹，貴妃蚌。食材新鮮，清洗得好乾淨。白蜆份量多鮮甜無沙，蝦爽口彈牙，龍蝦好多膏，肉質鮮甜爽口，鮑魚啖啖肉煙韌。肉類我揀左安格斯牛肉同豚肉片，中意安格斯牛肉肉味濃郁，入口嫩滑多汁。丸類有牛骨濃汁牛丸，薑汁皮蛋貢丸，招牌墨魚丸，全部大大隻，口感爽脆彈牙。蔬菜拼盤南瓜，冬菇，生菜，娃妹菜味道鮮甜，我將佢地放埋我個魚湯鳥冬一齊煮，好好味。