The Farmhouse 咖啡廳 (裝修中)

係 open rice 見呢間嘅自助午餐非常多食物種類，好似幾吸引，於是相約朋友前來試下，酒店位置非常近北角地鐵站，上到路面就已經差唔多望到，非常方便。一入門口就已經係甜品、飲品、凍海鮮、刺身壽司、沙律等。凍海鮮就只得凍蝦同藍青口，刺身就有三文魚、吞拿魚、鯛魚同希靈魚四款，cold cuts 就有自家醃製煙三文魚、西班牙火腿同凍火腿片，生果就有西瓜、菠蘿同哈蜜瓜，甜品就有朱古力蛋糕、黑加侖子鳥結糖蛋糕、雜莓奇亞籽碗果昔、雲石芝士蛋糕、紅絲絨蛋糕、柚子蛋白撻、芒果布甸同泡芙等，沙律就有凱撒沙律、秘魯醃海鮮沙律同各款新鮮沙律菜配多款沙律醬汁，飲品就有幾款汽水及自己沖嘅檸檬茶及咖啡，最特別嘅就係佢嘅可以轉嘅雪糕機，總共有12款口味，各適其式。再轉入去就係熟食區包括有烤安格斯黑牛西冷、烤紐倫堡腸、烤雞翼、烤牛仔骨、烤豬腩肉、港式麵檔及點心，印度咖喱區、羊架、燴牛尾、燒味就有义燒同豉油雞、潮州鹵水豆腐、糖心蛋，熱葷就有刴椒蒸魚、即煮長通粉配蘑菇松露醬、燒春雞、芝士肉丸配蕃茄醬、芝士醬烤時令蔬菜、煙肉洋葱邊豆、烤啡菇等。最欣賞就係佢地自家醃製煙三文魚，超嫩滑，唔鹹，味道啱啱好，蝦同藍青口都算唔錯。