串Grill 自助燒烤專門店 (廣華街) (已結業)

店員好殷勤介紹，唔同嘅醬料同飲品櫃的位置，爐旁邊有椒鹽、孜然粉、辣粉、燒烤汁，可以搽上食物燒會更加惹味！串燒嘅種類都算多，當中我最鐘意食牛舌、雞軟骨、雞腎，好爽口一啲都唔韌，燒菠蘿又甜又多汁。🤤👍🏻仲有我最期待嘅棉花糖同雞蛋仔，估唔到用呢種爐可以將棉花糖控制得好好，外脆內軟。其實呢種燒法都幾方便，啱曬唔想點喐就有得食既你，燒串燒個陣會自動轉，但要留意放太密會卡住，要留意下擺位，要慢工出細貨，整體都唔錯。