影片
更多
2018-10-25
98 瀏覽
成日周圍同朋友食好嘢，媽媽都成日叫我同佢一齊出去食好嘢，今次假期就特登book咗呢間媽媽朋友介紹既午餐自助餐一齊去試下。Lunch自助餐價錢只係$88，可以食兩個鐘。一嚟到門口媽媽已經好開心，係樓梯上去既時候有好多畫係側邊，覺得裝修好靚。我地12點準時到佢地就放好晒食物，我地第一樣就拎湯先，因為都係西餐廳，所以根本上都無中菜，湯都係西湯，我地當日嚟到就有南瓜湯同雜菜湯，我地都飲咗南瓜湯，味道好濃郁，隔離仲有多士送湯，個南瓜湯我仲飲咗兩碗添，好推薦沙律既料都好齊，火腿同蔬果等都有，而醬料好充足。飲品係可以自己出去拎，有涷飲有汽水、檸茶同蜜桃茶等等，另外可以自己沖咖啡奶茶，仲有幾種唔同水果口味既茶葉揀，對於好鐘意飲熱茶既我就好滿意啦。熱食唔係話算好多種類，但一定夠食到飽。比較飽既嘢食例如炒飯、炒烏冬同意粉都有，其他就係一啲熟食有魚柳、西蘭花、雞翼、魚餅、豬肋骨(媽媽最愛)同雞扒。雖然佢地都係平時好易食到既食物，但我覺呢間餐廳係每一樣嚟講都係做到好味既水平，味道濃郁又軟熟，西蘭花更加係添咗幾次食添！麵包同甜品放係同一邊，麵包好值得讚既一樣嘢就係佢地有keep住用射燈射住佢地，令個熱度一落保持
Lunch自助餐價錢只係$88，可以食兩個鐘。
一嚟到門口媽媽已經好開心，係樓梯上去既時候有好多畫係側邊，覺得裝修好靚。
我地12點準時到佢地就放好晒食物，我地第一樣就拎湯先，因為都係西餐廳，所以根本上都無中菜，湯都係西湯，我地當日嚟到就有南瓜湯同雜菜湯，我地都飲咗南瓜湯，味道好濃郁，隔離仲有多士送湯，個南瓜湯我仲飲咗兩碗添，好推薦
沙律既料都好齊，火腿同蔬果等都有，而醬料好充足。
飲品係可以自己出去拎，有涷飲有汽水、檸茶同蜜桃茶等等，另外可以自己沖咖啡奶茶，仲有幾種唔同水果口味既茶葉揀，對於好鐘意飲熱茶既我就好滿意啦。
熱食唔係話算好多種類，但一定夠食到飽。比較飽既嘢食例如炒飯、炒烏冬同意粉都有，其他就係一啲熟食有魚柳、西蘭花、雞翼、魚餅、豬肋骨(媽媽最愛)同雞扒。
雖然佢地都係平時好易食到既食物，但我覺呢間餐廳係每一樣嚟講都係做到好味既水平，味道濃郁又軟熟，西蘭花更加係添咗幾次食添！
麵包同甜品放係同一邊，麵包好值得讚既一樣嘢就係佢地有keep住用射燈射住佢地，令個熱度一落保持到，我地食既時候都係熱辣辣既。而隔離仲有一個好少自助餐會見到既吐司︳上面仲有一啲生果可以連埋吐司一齊食。
甜品隔離仲有一啲芝士食，最近去既自助餐都好少見到有芝士食，今次有都幾開心！
我地嚟到當日根本上所有甜品都係泰式甜品，每樣都有食啲咁滯，最好味覺得係個椰汁西米榚，好香甜又唔膩，好好食！
$100有找既價錢可以搵到個地方坐兩個鐘又可以食咁多嘢，仲要係好味既，真係好難，呢間就真係好好提供到，得閒都會想再嚟食下！
張貼
