添記法式三文治

營業中

休息中

知道有呢間小店嘅存好耐，不過無機會去到佐敦渡船街嗰邊，今日終於有機會！其實我本身無食過呢種法式三文治，聽聞係法國統治越南嘅時候，越南人將法國麵包同越南扎肉crossover而發明這種食物，我諗响越南餐廳可以食到呢種食物，但我估唔會係法國菜餐館食到舖頭很細，得兩個位，外賣為主。可以話呢似士多都得，無咩裝修可言，但其實好食嘅，有無裝修你都會來食！時間係星期日下午，附近啲舖都無開，條街無人，但係呢度都有幾個客人响我之前落咗單等緊，由於得老闆一個人一腳踢，所以大家有心理準備要等一段時間，因為即叫即做。選擇咗普通份量，由於無食晏，所以覺得唔太飽。味道方面，各種材料都很夾，酸酸甜甜的蘿蔔絲，咸咸地嘅扎肉，熱辣辣脆到爆嘅法包，最後加灑上香辣嘅胡椒粉，幾種味道加埋一齊很美味。