S.R. 是日來到尖沙咀，因5:30pm約了拍賣賣家交收，8:00pm又在尖沙咀睇戲，所以中間的時間就用來醫肚。在現今拉麵店“梗有一間响左近”的情況下，日式燒餅變成更值得令人懷念的日本味道。

S.R.已安顧過武士御好味燒幾趟，地點的確是挺難找，在利時商場門口旁邊的後巷中，見到武士旗就找對了。注意：因餐廳在後巷，未必人人接受。到達時間6:15pm左右，剛開舖。S.R.請教過老闆，他說每天都係開6:00pm，並不是openrice資料所寫的12:00開舖，因S.R.試過兩次下午來都摸門釘。

一坐下老闆便熱情地遞上餐牌，主要食物為串燒､燒餅及小食。餐牌食物沒有大變動，變動的只是價格，果然通脹猛於虎！S.R.每次來均點武士御好味燒(意思是由廚師決定口味)及炒麵，但今日指定點豬肉御好味燒$48，再想點些串燒時，老闆極力推介和牛串燒，未有收錄於餐牌上，餐牌只見安格斯牛肉串$78。來小店，便試試老闆推薦之食物，然後再加一串魷魚鬚$18和一枝烏龍茶$15。
由於只得老闆一個人，所以製作食物需時，所以建議一次過下單，如果加單便需耐心等待。
首先燒好的是和牛串，五粒四四方方的和牛粒，簡單配上些花和一片檸檬。和牛粒並沒有加七味粉或其他特別調味料，只是最基本的鹽同胡椒，因為和牛的原味才是主角。牛肉嫩而且充滿雪花油脂香，不過牛味不太濃，生熟程度剛好。好吃！

再來就是魷魚鬚串，並不像在街邊小食店的魷魚鬚，由於鮮魚鬚本身味道不突出，所以調味用上甜醬油和七味粉，由於燒得不太平均，所以有部份熟有部份不太熟，味道合格，但不是必食。

最後是豬肉御好味燒，賣相方面一般，因木魚過碎而且細小，欠缺木魚飄飄的動感，失去了看木魚在跳舞的喜悅！我喜歡它不厚又不多粉漿。咬下去，口中充滿住清新的椰菜，同時夾雜了沙律醬同木魚味道，令人印象深刻，而且吃完並沒有飽飽滯滯的感覺，值得推薦！S.R.認為吃任何一種口味的燒餅分別不大，因為豬肉也好雞肉也好，都是大配角然而。

S.R.不懂酒，但店舖提供多款日本清酒，喜愛杯中物的朋友可以在這摸摸杯底，感受這裡的後巷風味。
 

呢間位於名店坊嘅大阪王將位置隱敝，所以每次來都唔駛等位。餐牌上大部份食物都可以配上
作為套餐，今次我揀咗豆腐漢堡扒配煎餃子，餃子是一貫美味，^_^外脆內軟熱辣辣，豆腐漢堡扒都好味又健康，食落唔會太油膩，不過要彈嘅就係D飯，完全唔似日本米，硬而不粘。

整體都OK價錢又唔太貴。想食日本野，想易搵位，價錢＄100以下， 呢度好適合！

知道有呢間小店嘅存好耐，不過無機會去到佐敦渡船街嗰邊，今日終於有機會！其實我本身無食過呢種法式三文治，聽聞係法國統治越南嘅時候，越南人將法國麵包同越南扎肉crossover而發明這種食物，我諗响越南餐廳可以食到呢種食物，但我估唔會係法國菜餐館食到

舖頭很細，得兩個位，外賣為主。可以話呢似士多都得，無咩裝修可言，但其實好食嘅，有無裝修你都會來食！

時間係星期日下午，附近啲舖都無開，條街無人，但係呢度都有幾個客人响我之前落咗單等緊，由於得老闆一個人一腳踢，所以大家有心理準備要等一段時間，因為即叫即做。

選擇咗普通份量，由於無食晏，所以覺得唔太飽。味道方面，各種材料都很夾，酸酸甜甜的蘿蔔絲，咸咸地嘅扎肉，熱辣辣脆到爆嘅法包，最後加灑上香辣嘅胡椒粉，幾種味道加埋一齊很美味。

由於鍾意食果仁，所以食甜品都愛吃合桃露、腰果糊或者杏仁露。今次因為睇到食評話呢度有開心果糊，所以特別走來一試。餐廳除了太子外，還有分店，而且甜品外亦提供家常小菜。

講真，個賣相係麻麻地，綠色杰撻撻好似鬼口水咁。我諗大家都食過開心果(通常農曆新年)，都知道開心果都有啲綠綠地色，但我無諗過磨出來都係咁綠～

味道方面，係基本糊嘅甜味加上開心果味道，會食得到開心果咸咸地嘅味道，糊身無合桃糊咁杰，而且無合桃糊或者杏仁糊咁香，可能開心果本身就無咩香味。可以一試，不過我自己比較喜歡合桃糊多啲。

後來才發覺呢度獲得2014米芝蓮推薦餐廳之一呢！

去完中央圖書館有啲肚餓，又想慳錢又想食得清淡D，行吓行吓見到呢間麵店就走左入去試試。

可能附近都有好多學校，所以都有好多學生哥幫襯！今次叫咗菜肉雲吞面＄18加油菜＋＄6，食雲吞麵最怕D鹼水味好勁，但係你都冇，而且D都好爽同彈牙。平時食鮮蝦雲吞啖啖肉，不過都係菜肉雲吞岩我口味多D。菜肉雲吞係用白菜同豬肉包埋一齊，一碗麵有四粒，份量適中。呢個價錢銅鑼灣食碗麵加油菜都算抵啦！

只供外賣鹵水鵝店就見得多，但同時提供堂食的很少，除非是有名的陳勤記或者阿鴻小吃。

遠處聞到鹵水香，同時見到有堂食，即時入內試試。餐牌上有很多不鹵水選擇，但心諗選鵝片應最穩陣。

鵝肉很嫩，而且鹵水很香，連同例湯，感覺滿足！

平民價錢食到美味！

午餐，晚餐，加料 的好選擇～

在銅鑼灣要找價錢平而有水準的食物不容易，清真惠記是其中一間，地址雖然屬於灣仔，其實位置較近銅鑼灣。

這裡人氣最高的美食是：燒鴨 ﹠咖哩羊腩

今次選擇了燒鴨脾飯其美味之處在於燒鴨熱辣辣，脾肉嫩而且肉汁多，正！ 一般燒臘店都是無肉汁的。食過就知道分別。

還可以加咖哩汁，不喜歡吃飯的朋友可選麵亦可～

因餐廳位於熟食中心，裝修欠奉，衛生環境一般， 不過美食當前，who care~