影片
更多
2017-08-18
413 瀏覽
是日收工，同幾個朋友黎到尖沙咀打邊爐，本來今日心情一般，今次試左呢間喺厚福街嘅胡爐，質素唔錯，心情都好啲。火鍋店環境都ok，雖然唔算好大，但坐得舒適，裝修、餐具等等，都幾古色古香。雖然係平日，但都幾多人。店員好快安排好位置，我地點好湯底之後就開始畫野食。呢度一律散叫，本來想試佢地個九宮格鍋，但有朋友唔食辣，所以點左個紅白湯底，一邊麻辣，一邊係牛乳木瓜花膠湯底，幾滋補。麻辣個邊好足料！入面有豬皮、豬紅、腐竹呢啲材料，樣樣都好入味，辣度都幾高，朋友食得辣，都覺得有啲料到。之後都係加番麻辣湯，唔會話愈食愈淡；至於牛乳湯底，都好鮮甜呀，清清地，又有好腍嘅木瓜食。胡爐牛拼盤($488)：出色之作，成碟牛切得好靚仔，份量分大、小，相差一百蚊，我地四個人點左個大嘅，足夠食。入面有牛舌、金錢展、手切肥牛、日本和牛、牛柳粒，啱哂想試多幾款肉嘅朋友。而且我地麻麻地豬肉，寧願留番個quota黎點牛肉。肉質都幾靚，基本上全部食落都腍身唔韌，完全唔老，特別係日本和牛，肉汁豐富，手切牛都唔差，嫩腍有咬口。牛汁芝士丸($88)：推介呢個芝士牛丸呀，裡面有好多芝士，淥起一咬落去，啲芝士湧住出黎，熱辣辣，牛丸都好有牛味
呢度一律散叫，本來想試佢地個九宮格鍋，但有朋友唔食辣，所以點左個紅白湯底，一邊麻辣，一邊係牛乳木瓜花膠湯底，幾滋補。
麻辣個邊好足料！入面有豬皮、豬紅、腐竹呢啲材料，樣樣都好入味，辣度都幾高，朋友食得辣，都覺得有啲料到。之後都係加番麻辣湯，唔會話愈食愈淡；至於牛乳湯底，都好鮮甜呀，清清地，又有好腍嘅木瓜食。
胡爐牛拼盤($488)：出色之作，成碟牛切得好靚仔，份量分大、小，相差一百蚊，我地四個人點左個大嘅，足夠食。
入面有牛舌、金錢展、手切肥牛、日本和牛、牛柳粒，啱哂想試多幾款肉嘅朋友。而且我地麻麻地豬肉，寧願留番個quota黎點牛肉。
肉質都幾靚，基本上全部食落都腍身唔韌，完全唔老，特別係日本和牛，肉汁豐富，手切牛都唔差，嫩腍有咬口。
牛汁芝士丸($88)：推介呢個芝士牛丸呀，裡面有好多芝士，淥起一咬落去，啲芝士湧住出黎，熱辣辣，牛丸都好有牛味，有嚼勁。
手打墨魚滑($88)：墨魚滑唔知係咪漏單，比較遲先上枱，質素都唔錯呀，食落爽口彈牙，混入粒粒蟹籽，淡淡蝦肉。
鮮蝦帶子水餃($108)：水餃點左呢款鮮蝦帶子，就唔算好大粒，餃皮都夠薄身，但餡料唔夠豐富，一般水餃咁嘅水準冇乜蝦肉，帶子亦都係大過手指尾少少，唔係太抵食。
黃金墨魚丸($98)：可能我自己好鐘意食有餡料嘅丸類，墨魚丸細細粒，入面有蛋黃架，食落新鮮爽口。
自家製響鈴卷：響鈴新鮮炸起，非常香脆，而且唔會好油膩，推薦！
豆腐：豆腐加入麻辣湯底好入味，加入牛乳湯底又好鮮甜。
皇帝菜：份量都幾多呀，個人就幾鐘意食呢隻菜，不過朋友覺得麻麻地，其實佢地仲有好多款菜可以揀。
啤酒、菊花蜜：菊花蜜雖然貴少少，不過味道唔錯，飲落唔會太甜，清涼解膩，如果重啲菊花味更好。
埋單前仲有甜品送，椰汁糕都幾好食呢，唔會太甜，食完麻辣啱哂。
張貼
