洋食商店 (喜遇)

營業中

休息中

洋食商店位於長沙灣喜遇地下，佢地既招牌鍋料理二人餐有壽喜燒、黑松露燉飯、關東煮同兩款小食，仲有２杯特飲同１個特式甜品，套餐$548起，選擇豐富，性價比高。我地揀咗美國頂級牛頸同澳洲和牛牛肩胛，牛肉味道濃郁，搭埋生蛋食，更加滑。小食方面，明太子玉子燒同洋食商店烤粟米都幾好食，特別係玉子燒，口感柔滑。店員幫手煎牛肉，加上黃糖同牛油，味道更上一層樓。黑松露燉飯好creamy，啖啖都係香味。飲品方面，我地選咗雪糕梳打同青蘋果蘆薈乳酪烏龍，都幾refreshing。甜品方面，限量tiramisu雪糕味道唔錯。餐廳內外都有日式居酒屋設計，好多打卡位。我特別欣賞牆上店員手繪漫畫，一邊食一邊欣賞。店員都幾貼心，邊煮邊介紹，唔會讓人感到急促。呢個套餐值得試，味道出色，環境同服務都ok，幾適合情侶或朋友一齊食。