CHEF STAGE de Eddy Chu (已結業)

上個月嚟咗呢間人氣餐廳食晚飯，水準果然相當不錯！我哋各自嗌左個五道菜套餐。一. 乳酪鮮蝦芒果沙律啲蝦超新鮮，有鮮味兼夾爽口彈牙，乳酪汁好 refreshing!! 感覺超好味。海鮮拼盤就唔包喺五道菜入面，不過見咁多網友推介，我哋又試吓先。所有海鮮都好新鮮。例如，生蠔好新鮮，唔會只得海水味。大蜆又有風味醬配搭，味道好有趣。食完感覺超滿足。第二道：黑松露蘑菇湯蘑菇打融咗，每一啖湯都食到碎碎嘅蘑菇。第三道，清酒蟹肉年糕：有點像奶油年糕，個汁幾 creamy，加上蟹肉令其更加矜貴。第四道，主菜：精選雜扒配紅酒牛扒固然高質好食，豬扒都非常高水準，雖然厚身，但不會硬身而且非常Juicy，問店員邊度來貨，店員回覆是西班牙豬的精選部位。雞扒都煎得香脆。拌碟是紫薯蓉，帶着紫薯清新嘅清甜味。另一個主菜係扒雜海鮮拼白酒。有煎魚、鮑魚、蜆、蝦和螺。各海鮮都新鮮。不過要比較的話，我個人會比較喜歡吃之前的海鮮冷盤。第五道菜：甜品甜品味道不錯，但講真甜品真係太細件，如果可以大件啲會更加滿足。