南瀛水產

我哋成日慶祝周年紀念都會嚟到呢度，鍾意環境靚，裝修極具地道，彷彿去咗旅行咁🧳黑松露鰻魚釜飯石鍋上，黎到先點火，一打開聞到超香嘅黑松露香氣，大大件鰻魚夠哂厚肉，好有口感，同黑松露醬混合非常夾，甜醬油風味，個底仲有完整嘅飯焦添，充滿層次。海膽杯～恍似藝術品嘅擺盤好靚，上層大大塊海膽，入口鮮甜順滑，同魚子好夾，食完再食下層嘅蟹仔，香脆又鮮味，最後先食粒漬醃栗子，甘甜兼清埋餘味，好滿足。蟹味噌甲羅燒蟹蓋裝住蟹肉、蟹膏、蟹籽、鵪鶉蛋，將材料拌勻再燒，將蟹未發揮極致🙌🏻海鮮沙律～平時刺身就食得多，原來都可以整成沙律，油甘魚、三文、吞拿魚，三款刺身魚加埋新鮮沙律菜，混合黑醋汁，食落凍冰冰，唔會太酸，越食越開胃。銀鱈魚西京燒即叫即燒，等大約20分鐘就食到！微焦嘅外皮脆卜卜，魚肉非常嫩，味道夠鮮，同甜甜地嘅醬汁好夾👍🏻發現餐牌度有限定蛋糕 🍰今日嘅係雲呢拿千層蛋糕😍牛乳味濃厚，滑溜而且唔會太甜，心形嘅擺盤，睇見已經好開心！