Hungry Monster (榮福中心) (已結業)

聯和墟新開嘅熱狗小食店，最鍾意試新野嘅我緊係即刻去試試啦！！！夜晚想食得清爽啲，就揀咗幾特別嘅韓風狂熱熱狗（$36），酸酸辣辣嘅泡菜中和左芝士嘅油膩，夜晚食都好似無咁有罪惡感🙊🙊 不過我覺得麵包可以再烘耐少少，香口啲會再好食啲加左$24配左薯條同柚子蜂蜜烏龍茶。薯條炸得都好脆，分量都唔少🍟🍟🍟而柚子蜂蜜烏龍茶可以飲到啖啖嘅柚子蜜味，晚夜想無咁油膩或者唔想飲奶茶咁飽肚，都可以揀烏龍茶不過由於岩岩開業，都幾多街坊去試，等候時間都比較長😉😉