5
3
1
營業時間
星期一
全日休息
星期二至日
12:00 - 21:30
以上資料只供參考, 請與餐廳確認詳情
早幾日去開聯和墟，之前經過呢間小店已經想試下佢既熱狗套餐。當日5點左右，又未食午餐就叫咗一個套餐食。套餐如下：1熱狗，1包薯條，1杯飲品。小店等10-15分製造，只要出品好味，要等食絕對不是問題😊😊見佢啲薯條即叫即炸，已經滿心歡喜。 拎咗之後就去個friend屋企，嗰日天氣好熱，所以飲啖冰凍飲品先，然後就享用即炸薯條，見薯條係幼身版，同圖有啲唔同，諗住問題不大，點知薯條原來炸到over晒，超超脆口仲有啲苦味，食多幾條覺得好 鹹好苦，所以放棄咗。個熱狗都有啲啲失望，因為唔夠爆料同有少少乾知道小店需要用心經營，希望下次會更好。
繼續閱讀
🌭Hungry Monster🌭📍:粉嶺聯捷街榮福中心商場地下87及110號舖⏰:12:00pm-9:30pm⭕️:現金、八達通、Alipay聯和墟不嬲都係粉嶺滿佈美食嘅地方 最近呢間新開嘅熱狗店 就係我之前中學附近😍 難得經過呢一邊 一於試吓佢先！ 呢間小店主打熱狗、小食炸物、茶飲 價錢唔貴 食物都高質素同創新 即叫即製 但係都唔使等太耐👍🏻🐟怪獸炸魚柳包呢個炸魚柳包係新出嘅 睇張圖好吸引所以叫咗 大大塊生菜包住塊厚實嘅魚柳 好新鮮 啖啖肉 醬汁好惹味 令到個魚柳包口感更加豐富 熱狗有烘過 好脆口👍🏻🇰🇷韓風狂熱熱狗呢款熱狗有驚喜 比我想像中好食 泡菜唔會特別辣 比較甜為主 泡菜Mix熱狗既做法好創新 再加埋熱狗腸 幾惹味👍🏻🐥金莎雞軟骨(8粒)呢個真系必叫！叫套餐只係加$12就可以轉配 呢個真係好邪惡 雞軟骨熱辣辣 炸得好香脆 加埋鹹蛋黃鹹香味十足 鹹蛋黃一啲都唔吝嗇 布滿晒成個雞軟骨 好熱氣但係超級正😍🧋冬瓜鮮奶最近天氣好唔穩定 我個日去既中午差啲熱到暈低 即刻叫反杯冬瓜鮮奶消暑 冬瓜茶好解渴 再加上好滑嘅鮮奶 溝埋一齊飲 唔會太甜😍 消暑一流👍🏻#香港美食 #平民美食 #聯和墟 #粉嶺美食 #香港 #美食 #hkfood #hkfoodie #openrice #hkfoodblogger #hkfoodies #foodshare #hkrestaurant #foodie #hkfoodblog #食評 #美食推介 #foodhk #聯和墟美食 #熱狗 #漢堡包 #hungrymonster
繼續閱讀
▶️難得三兄弟姊妹都同日在家工作🙈一齊lunch叫foodpanda🐼呢間熱狗店之前都見到開咗一段日子，不過一直無機會試，今日終於一試🤤衷心感謝外賣員既辛勞運送🙇🏻♂️韓風狂熱熱狗🇰🇷🌭感覺佢d熱狗🌭無齊柏林咁大隻💪但相對價錢平啲🤣熱狗加泡菜真係未食過，係幾惹味，不過略嫌兩者味道唔係好融合到一齊，只係熱狗味同泡菜味好分開咁一齊放入口🙈熱溶芝士熱狗🧀🌭好少見芝士入面會有幾粒粟米，成隻熱狗食落重芝士同埋甜甜地，原來入面有千島醬，咁嘅配搭係幾好食🤤鐵板燒熱狗🌭平時食開嗰種加芥末同茄汁🥫既熱狗🌭唔知係唔係因為條腸係鐵板燒，食落口非常香😋金沙薯條🥚🍟 / 薯條🍟成日覺得鹹蛋黃嘅嘢食真係冇得輸，不過可惜佢嘅鹹蛋黃味太淡，反而普通薯條嘅薯仔味🥔好出好香👍白桃汽泡飲🍑🥤開頭以為熱狗店既飲品都係配菜同好一般，反而幾好飲，甜度適中同好夠氣，爽🤣
繼續閱讀
今日嚟到聯和墟站🤣🤣趣致嘅裝修係聯和墟嘅屋邨中間顯得特別搶眼食物以熱狗為主. 食物嘅包裝亦都有放心機🥰🥔怪脆熔岩薯條熱熔芝士多到暈❤️加埋千島醬香得來唔會好膩薯條放咗一陣依然脆卜卜. 搞到食唔停口🍗千島雞棒雞棒香脆不油膩. 肉質嫩滑有肉汁條條都大大條🌭鐵板燒熱狗配白桃氣泡飲+薯條熱狗大大隻. 麵包有烘過唔會淋法蘭克福腸有肉汁較爽脆嘢飲同薯條嘅包裝都好可愛❤️味道亦唔錯總括來講呢間舖頭性價比都幾高. 質素亦都好好. 如果可以開多幾間分店就腳啲就好啦
繼續閱讀
買左三隻熱狗返屋企試下，A餐鐵板燒熱狗只係29蚊，腸仔加塊生菜都幾抵食。屋企人鐘意食吞拿魚醬，同老細傾偈，佢同我講吞拿魚醬係佢哋自己秘製嘅，十份足料，所以都買咗1個嚟試吓。見到加＄19可以升級做套餐，有一個小食同埋品，所以就加左其中一個熱狗做套餐。叫左薯條同冬瓜茶，薯條行返屋企個時食左，影唔到相，但個粗薯條好好食好脆，唔係麥當勞個啲又幼又林即叫即整，都係等左五、六分鐘。薯條即炸，麵包即焊，拎到返屋企嗰陣時都仲熱，咬落個包都仲脆脆地。吞拿魚熱狗個拿魚醬好好味，咬落好有口感，個醬撈左新鮮洋蔥粒，同條白色香腸好夾，又唔會搶曬成啲味，呢款熱狗會再encore
繼續閱讀