長阪燒 (已結業)

聞名不如一見的長阪燒餐廳設計好靚，頗有日本風情，感覺好似置身日本🇯🇵🥰，店員都會用日文向我地打招呼，仲好細心咁推介菜式俾我地。佢地新出左生蠔套餐，不過友人唔食蠔，我地便點左其他。不過呢個生蠔套餐真係幾抵，有興趣的朋友可以試下。最後我地點左 三文魚刺身墨魚刺身劍魚腩刺身北海道活帶子刺身火炙平目魚背火炙三文魚腩刺身火炙飛驒和牛壽司牛肉拉麵🍜OMG，件件刺身都好肥美，好新鮮，油脂分佈均勻，火炙平目魚背口嫩口，火炙飛驒和牛壽司肉質鮮甜，而火炙既三文魚腩刺身味道更特別，魚味更突出，諗返起都口水直流🤤🤤牛肉拉麵都係唔錯既選擇，食少少刺身再食熟食，可以暖返個胃。牛肉嫩滑，夠入味，湯底係正宗既日本風味，夠濃郁，忍唔住飲左兩啖湯🤭🤭。