靚煲皇 (已結業)

又係時候成班老友去聚會啦，天氣開始涼涼地，梗係要去烚下烚下，一路烚下一路談，正！朋友揀咗依間火鍋店，佢話以前去過都唔錯，又冇時間限制，可以慢慢食、慢慢傾。我哋叫咗個佢哋嘅招牌海鮮豬骨煲，個煲裏面有好多好多扇貝啦，蝦乾啦，仲有好多好多豬骨添。我哋原本想再叫D扇貝同埋海鮮，但店主話個煲已經有好多扇貝啦叫我哋唔使加，店主非常細心。個海鮮豬骨煲好大煲，份量好多，凈係D豬骨已經填滿曬我哋個肚咁濟，店主仲好細心話首先要嘗一嚐個湯先，好甜，好鮮味。其他食物都唔錯，牛肉都好有鮮味，特別係嗰個水餃，係自家製的，水餃咬落好爽口，好好味。整體食物錯，價錢又公道，大家話又多個聚腳地啦。