影片
更多
2021-12-30
621 瀏覽
一家三口約好食聖誕節飯，因為平安夜同聖誕節都各有節目。約在聖誕後，約好日子就立刻訂位，大約半個月前。可惜很多餐廳都訂不到了，最後想起這間食物好但人氣不算旺的Espuma在OpenRice 訂好了位，早一天有職員confirm booking。我最喜歡這店的牛肋骨，未去已經打算要吃，其餘吃什麼都沒有所謂。這是西班牙餐廳，有很多Tapas。我樣樣都想食，不過負責點菜的看不上。牛肋骨炆得很軟林林，味道略甜，是這店的風格（我覺得佢大部份菜都係比較甜）。配菜同埋薯條份量都好多。呢個Pizza都係少少甜嘅，因為個醬汁係有蜂蜜，pizza嘅底做得好好食，好脆好薄，唔係麵包所以唔會食到太飽。溫泉蛋意大利飯，有水準，個溫泉蛋整爛撈埋落啲飯到，有兒時阿媽俾隻生雞蛋撈飯嘅回憶。當然這個是高級版，出街食飯經常都會叫Risotto ，而呢個是有水準的。食到清碟。同埋呢一碟係全晚唯一唔甜嘅食物。香芒牛油果沙律，菜好新鮮，其實都已經飽飽地仲要留肚食甜品，不過冇叫過菜，就叫個沙律食下，好似健康啲。呢個沙律嘅醬汁都幾甜下，唔諗健唔健康嘅問題其實係好好味嘅。再加埋呢一個招牌甜品，今日真係血糖爆升，棉花糖唔使講，大家都知道
在OpenRice 訂好了位，早一天有職員confirm booking。
我最喜歡這店的牛肋骨，未去已經打算要吃，其餘吃什麼都沒有所謂。
這是西班牙餐廳，有很多Tapas。我樣樣都想食，不過負責點菜的看不上。
牛肋骨炆得很軟林林，味道略甜，是這店的風格（我覺得佢大部份菜都係比較甜）。配菜同埋薯條份量都好多。
呢個Pizza都係少少甜嘅，因為個醬汁係有蜂蜜，pizza嘅底做得好好食，好脆好薄，唔係麵包所以唔會食到太飽。
溫泉蛋意大利飯，有水準，個溫泉蛋整爛撈埋落啲飯到，有兒時阿媽俾隻生雞蛋撈飯嘅回憶。當然這個是高級版，出街食飯經常都會叫Risotto ，而呢個是有水準的。食到清碟。同埋呢一碟係全晚唯一唔甜嘅食物。
香芒牛油果沙律，菜好新鮮，其實都已經飽飽地仲要留肚食甜品，不過冇叫過菜，就叫個沙律食下，好似健康啲。呢個沙律嘅醬汁都幾甜下，唔諗健唔健康嘅問題其實係好好味嘅。
再加埋呢一個招牌甜品，今日真係血糖爆升，棉花糖唔使講，大家都知道係砂糖，個窩夫又真係幾好食， baileys 甜酒味，配襯埋杯baileys 咖啡，好有聖誕氣氛。
總結：食物有水準，樣樣都好食，淨係睇佢嘅沙律菜同士多啤梨都知佢啲嘢新鮮，裝修就唔算靚，價錢中上，人均$400 左右，侍應個個都有笑容幾nice，服務唔錯。
呢間店要上樓，雖然食物好服務好，但係可能呢個價位有好多選擇，令到佢唔算旺場，最多只見過佢7 成滿（晚市）。有次仲好似得兩三枱客，所以周圍冇位嘅時候，會是好選擇。
張貼
