影片
更多
2016-12-27
346 瀏覽
好多人都問我聖誕係邊度食好西，我就話係聖誕節梗係走去食中菜，原因好簡單。平時係普通連鎖西餐廳，係聖誕節突然變成貴價餐廳，價錢貴到你無晒食慾。仲有，佢地要求你訂位前要Full Pay/Half Pay，仲要只得一個Menu揀，更慘係迫你揀時段。相反，中菜就唔同啦，平時旺場到爆的中菜館都會容易訂位，又唔會加價同趕你走。今次就試下係觀塘的私房菜，估唔到今日都全場爆滿，食物質素都應該有保證。講番試後報告，一黎就冷盤三碟: 木耳、青瓜同埋鮑魚菇，酸酸地幾開胃。之後係有機菜配特式芝麻醬，估唔到喜出望外，首先有機菜好新鮮，食落去的味道真係唔同，不過最特別係芝麻醬，一開始以為用「現成」芝麻醬，估唔到佢有調味。第三碟係茶燻流心蛋伴黑魚子醬配厚切茄子，聽個名都夠勁，味道都一流，估唔到少少黑魚子醬有呢個效果，唯一美中一足係流心蛋同茄子好難同一時間食，同埋未諗到兩種食物味道點夾到。之後係冰鎮清酒慢煮南非飽魚，而家真係好興慢煮，冰鎮可以令鮑魚變得彈牙，但略嫌清酒味道唔夠出，所以未掩蓋到鮑魚少少的腥味，有待改進空間。搶攻完一輪後，中場休息飲燉湯 ─ 燉哈密瓜螺頭黑毛豚肉湯，非常足料，用哈蜜瓜加頭令到燉湯夠晒甜，味
講番試後報告，一黎就冷盤三碟: 木耳、青瓜同埋鮑魚菇，酸酸地幾開胃。之後係有機菜配特式芝麻醬，估唔到喜出望外，首先有機菜好新鮮，食落去的味道真係唔同，不過最特別係芝麻醬，一開始以為用「現成」芝麻醬，估唔到佢有調味。
第三碟係茶燻流心蛋伴黑魚子醬配厚切茄子，聽個名都夠勁，味道都一流，估唔到少少黑魚子醬有呢個效果，唯一美中一足係流心蛋同茄子好難同一時間食，同埋未諗到兩種食物味道點夾到。之後係冰鎮清酒慢煮南非飽魚，而家真係好興慢煮，冰鎮可以令鮑魚變得彈牙，但略嫌清酒味道唔夠出，所以未掩蓋到鮑魚少少的腥味，有待改進空間。
搶攻完一輪後，中場休息飲燉湯 ─ 燉哈密瓜螺頭黑毛豚肉湯，非常足料，用哈蜜瓜加頭令到燉湯夠晒甜，味道不俗。之後係蝦球水芙蓉，蝦球入晒味，配上炸薑絲夠特別。話明係水芙蓉，當然要整條河出黎，佢用左甘筍汁做芡汁煮蛋白，雖然我覺得個配搭幾特別，不過味道稍嫌淡，反而驚喜位係粒杞子，味道甜到以為係食緊蜜棗。之後係魚湯菜苗，魚湯幾甜，算係正常的餸菜。
最後兩道菜係新會陳皮骨，陳皮醬汁入味，配上米通一齊食個口感幾特別。最後係海班球荷葉蒸飯，班球新鮮，配上蒜蓉醬係最佳配搭，但反而咁遮蓋左荷香味，我覺得荷葉飯如果無左荷葉香味，始終係美中不足，或者本人比較執著。正餐食晒後到甜品﹕蕃薯糖水同埋芝士芋頭波，蕃薯糖水薑味可以再加重些，芝士芋頭波新鮮即炸，味道一流，劃上完美句號。
總括而言，每人大約三百幾蚊，有10道菜，雖然有些菜餚有進步空間，但已算中上，有些菜式更驚喜，加上服務一流，都值得一試，不過建議大圍去仲好，因為可以試更多菜式。另外，都仲有改進的地方，首先上菜時間太快，冷盤還好，但熱葷就會令到有些餸菜凍左。加上由於係工廠地方，所以要用公眾洗水間，如果對衞生有較多要求，未必接受到。
$350
16 瀏覽
0 讚好
0 留言
題外話/補充資料：
小貼士﹕1. 食前要預先book位 2. 打咭同like有免費汽水送 3. 帶備足夠現金，因為俾現金可以免茶錢
(以上食評乃用戶個人意見 , 並不代表OpenRice之觀點。)
張貼
