女人街食飯公司

營業中

休息中

一大班麻甩佬食飯梗係去大牌檔𣈱快。但係又熱又焗，想坐好啲就可以考慮吓呢一間女人街食飯公司。背景裝修圍繞舊香港。有街市、戲院、理髮店等佈景，可以食飯又可以打卡。食物都係大牌檔鑊氣小菜同海鮮。清蒸、椒鹽、煲仔、老火湯老火湯乜都有。加埋幾支大啤就啱曬Channel。啫啫鲍魚雞煲🍲啫啫雞食得多，加埋鮑魚都係第一次，兩隻鮑魚又爽又鮮，加埋啫啫雞夠曬惹味。一口臭豆腐🎲將臭豆腐切到細細粒先炸。比平時街食到嘅更加脆口，終於可以舒舒服服食臭豆腐喇。蒜蓉粉絲蒸扇貝叫返個海鮮試吓，味道都好好，扇貝鮮甜。唔會渣流灘，下次會試吓啲椒鹽嘢，餸下啤酒。