源記甜品專家 (已結業)

香港人太幸福多新野試啦！最近天氣凍都會想食熱嘅甜品，今次就黎到西環源記，老字號喎，聽講日頭冇乜人，但夜晚就排哂隊，不過我地呢晚就唔洗排，喺門口見到雞蛋糕，好想快啲食到囉 （雖然明知冇咩特別）笑~入到店好有懷舊feel，覺得自己走左去拍70年代片嘅場景，睇到上左年紀嘅伯伯食糖水，又幻想下佢後生係點嘅樣，有幾高大靚仔，sorry~離左題添（爆）再望望menu有乜好食，其實我未食過桑寄生蓮子茶，總覺得係唔好味，一直都冇衝動去試，今次都唔例外（笑）第一年3事一定一定係雞蛋糕啦！其實真係冇咩特別，又唔係特別好味，但食到一陣陣童年味道，以前舊式餅店果啲清蛋糕嘅味道，清甜有蛋香，蛋糕比較粗糙唔係滑果種，雖然乾乾地，但傾下講下就食哂 *\(^o^)/*另外就叫左芝麻糊 & 紅豆沙，芝麻味唔係特別出，但勝在夠滑 & 無澀口嘅感覺，紅豆沙比較少渣（即係冇乜料），偏水狀冇乜起沙（爆)，味道比較淡，唔係幾夠味。香港人要幫手保衛香港老店，等我地嘅下一代都有份品嚐到古代滋味（笑）行開西環都間去幫襯下啦！