蟹仙海鮮蒸氣鍋 (龍崗道)

營業中

休息中

蟹仙主打新鮮海鮮，見到海鮮拼盤嘅時候勁開心，聽店員講老細係海鮮買手做咗好多年，將最頂級嘅食材留返俾食客秘製南非乾鮑隻鮑魚炆得勁入味，食落去仲有糖心嘅口感超正。加拿大海虎蝦隻虎蝦勁新鮮，蝦肉爽滑彈牙，食落去勁甜韓國釜山鰻魚鰻魚好少食到咁新鮮，新鮮鰻魚真係好好食黃金翡翠螺翡翠螺好彈牙配埋佢個Wasabi豉油勁夾蟹皇醬青口 蟹皇醬扇貝青口同扇貝都蒸得啱啱好，食落去好滑身同埋好濃嘅海鮮味韓國釜山蠔生蠔勁大隻，食落去好重蠔味澳洲青年龍蝦隻龍蝦勁鮮甜，啲肉好結實一疏疏勁新鮮，龍蝦嘅鮮甜真係冇其他蝦可以取代，真係超級正。奄仔蟹見到隻蟹身爆膏勁開心，食落去啲蟹膏有甘香味，好食到舔舔脷。豬骨粥個粥底入面有豬骨、粟米、芋頭再吸收埋之前嘅海鮮鮮味，每啖粥食落去都充滿海鮮精華超級好食。椰燉雪燕勁香椰汁味同埋入面勁多燕窩食落去好滑口。