影片
更多
2014-03-30
8052 瀏覽
老豆生日，突登放假同佢去威威慶祝。因為佢實在太鍾意飲茶啦！所以原本諗住同佢去半島食lunch buffet既打算取消，轉去半島既嘉麟樓飲茶。前一晚book定位，所以一去到就安排我地入去坐，唔駛等位啦！不過，坐既位置一般，非常接近門口。坐低之後，周圍望下，都好似full晒。講到環境和服務，當然冇得彈啦！3個人坐張圓枱，非常鬆動。不過燈光太暗，令到個人好似好眼瞓。😪至於食物方面，眼下餐牌，點心唔係太多選擇。當然黎飲茶，一定要試下蝦餃、燒賣同呢度好出名既奶皇飽啦！落左order，嘆下茶，食下合桃小食先。講番D合桃，非常鬆脆，味道亦好，簡直食到停唔到口，而且係唔需要另外加錢，正！👍等左一陣，點心陸續送上。蝦餃和燒賣都好有水準，而奶皇包亦名不虛傳，D餡流晒出黎，又唔太甜，好鍾意。我甚至鍾意食呢度既奶皇包多過排晒隊買既奶皇月餅呀！😆至於其他點心都幾好食。不過，最失望係荷葉飯，size只有一包紙巾咁大，賣相亦唔吸引，又唔覺得特別有荷葉香，下次一定唔再叫。整體黎講，我覺得成餐茶都幾好，阿爸好滿意，不過阿媽要求高，話D點心唔夠佢以前做野果間"金冠"好！(話說金冠係60年代响尖沙咀好高級既酒家，不過已經執
前一晚book定位，所以一去到就安排我地入去坐，唔駛等位啦！不過，坐既位置一般，非常接近門口。坐低之後，周圍望下，都好似full晒。
講到環境和服務，當然冇得彈啦！3個人坐張圓枱，非常鬆動。不過燈光太暗，令到個人好似好眼瞓。😪
至於食物方面，眼下餐牌，點心唔係太多選擇。當然黎飲茶，一定要試下蝦餃、燒賣同呢度好出名既奶皇飽啦！落左order，嘆下茶，食下合桃小食先。講番D合桃，非常鬆脆，味道亦好，簡直食到停唔到口，而且係唔需要另外加錢，正！👍
等左一陣，點心陸續送上。蝦餃和燒賣都好有水準，而奶皇包亦名不虛傳，D餡流晒出黎，又唔太甜，好鍾意。我甚至鍾意食呢度既奶皇包多過排晒隊買既奶皇月餅呀！😆
至於其他點心都幾好食。不過，最失望係荷葉飯，size只有一包紙巾咁大，賣相亦唔吸引，又唔覺得特別有荷葉香，下次一定唔再叫。
整體黎講，我覺得成餐茶都幾好，阿爸好滿意，不過阿媽要求高，話D點心唔夠佢以前做野果間"金冠"好！(話說金冠係60年代响尖沙咀好高級既酒家，不過已經執左好耐啦！) 況且，每人唔駛2百蚊就可以享受到半島酒店既中餐，算係物超所值啦！😊
張貼
