影片
更多
2014-02-06
2627 瀏覽
瑞記咖啡，一間隱藏係上環熟食中心既老牌茶檔。特色係佢地既奶茶會裝係玉泉汽水樽，俗稱「樽仔奶茶」。原本想去茶.家，可惜去到又碰門釘，無開門，該日年初五，原來還未啟市，於是到瑞記碰碰運氣。只見剛進去已人聲鼎沸，中午時間的熟食中心果然十分熱鬧。左望右望往右走終於看到瑞記！老實講，論衛生情況而言，這裡是不太衛生，不過茶檔都係咁架啦！ 我地兩個都覺得可以接受既，反正地方很光猛。地方係細啲要搭枱，不過我地無咩問題。廚房只有一個阿姐在煮嘢食，幾個伯伯就負責傳茶同落單(其實我個日淨係見到兩個)。咁睇完張menu我就決定要餐牛麵同樽仔奶茶。叫左幾次佢都叫我等陣，咁我講完食咩，10幾分鐘後仲未到，諗住咁多人就等下啦，再等多5分鐘佢見到我地無嘢食，就問我地食咩╮(╯_╰)╭ Oh..原來佢唔記得左…咁我地講多次之後，佢就好快黎左了。餐牛麵: 牛肉份量正常，鮮嫩，夠滑，唔會熟過頭。麵都軟腍適中，同出前一丁差不多(^_-) 餐肉煎得好香，有兩大塊。兩者配合得好好。樽仔奶茶: 早前見到有人話有啲過甜，但我覺得唔會，都幾滑。亦都無咩茶澀味。就算無冰都唔會話唔夠凍，好好飲，夠解渴( ´▽` )ﾉ其實都係想睇下有幾特
瑞記咖啡，一間隱藏係上環熟食中心既老牌茶檔。特色係佢地既奶茶會裝係玉泉汽水樽，俗稱「樽仔奶茶」。原本想去茶.家，可惜去到又碰門釘，無開門，該日年初五，原來還未啟市，於是到瑞記碰碰運氣。只見剛進去已人聲鼎沸，中午時間的熟食中心果然十分熱鬧。左望右望往右走終於看到瑞記！老實講，論衛生情況而言，這裡是不太衛生，不過茶檔都係咁架啦！ 我地兩個都覺得可以接受既，反正地方很光猛。地方係細啲要搭枱，不過我地無咩問題。廚房只有一個阿姐在煮嘢食，幾個伯伯就負責傳茶同落單(其實我個日淨係見到兩個)。咁睇完張menu我就決定要餐牛麵同樽仔奶茶。叫左幾次佢都叫我等陣，咁我講完食咩，10幾分鐘後仲未到，諗住咁多人就等下啦，再等多5分鐘佢見到我地無嘢食，就問我地食咩╮(╯_╰)╭ Oh..原來佢唔記得左…咁我地講多次之後，佢就好快黎左了。
餐牛麵: 牛肉份量正常，鮮嫩，夠滑，唔會熟過頭。麵都軟腍適中，同出前一丁差不多(^_-) 餐肉煎得好香，有兩大塊。兩者配合得好好。
樽仔奶茶: 早前見到有人話有啲過甜，但我覺得唔會，都幾滑。亦都無咩茶澀味。就算無冰都唔會話唔夠凍，好好飲，夠解渴( ´▽` )ﾉ其實都係想睇下有幾特別，我諗無餐廳會好似佢地咁，將奶茶裝係玉泉玻璃樽到，其實衣家都唔係成日見到呢啲玻璃樽，感覺好似反反細個個時咁。埋單$35，正常開心價。黎呢到係無咩好招待，因為其實伯伯們都上左年紀，有時漏單情況或者態度一般都係在所難免，我覺得我地一班年輕人要體諒下佢地，見到佢地都好辛苦。其實如果無佢地，又點會有咁好味既嘢食呢？大家將就就得啦係咪 :）
張貼
