影片
更多
2017-01-16
3157 瀏覽
呢兩日突然之間好想食下打冷，於是朋友提議不妨去太子陵發潮式打冷食，諗諗下對上一次泥陵發食潮州打冷都已經係3,4年前了，想當年第一次去陵發捧場既時候佢都係得一間鋪，而家生意越做越好舖位越開越多。有陣時覺得香港人真係好奇怪，呢間打冷餐牌從來唔標價錢但係又有一大堆人走去食，咁又無啦啦畀佢做出左D噱頭出黎。不過如果你想知幾錢都可以問店員既，佢地都會樂意話比你地聽的。不過老實講我覺得佢呢到打冷都幾貴，間唔時食一次半次我就覺得都ok既。首先我地點左個生腸大腸拼豬耳鹵水拼盤，味道適中唔會太鹹蓋曬食物既原有味道。大腸不會太肥一舊舊肥膏，令人較易接受，而且炆得好腍好入味。生腸和豬耳十分爽脆，食左也不會覺得有肥膩感。鵝片同鹵水鵝比我選擇我一般都會揀番鹵水鵝，一黎比較平D，二黎我本人比較鍾意食下骨位，有點口感。因為間間餐廳跟既都唔同，我多數會講明跟豆腐底，貪佢咁樣又多個餸食下😂。佢地個鹵水鵝做得都幾出色，肉質彈牙，唔會霉林林或者韌到痴哂牙。就是略嫌太多碎骨，食既時候可要小心哦。食完滷味當然要食返條大眼雞啦，簡直係缺一不可，唔食魚既朋友都可以不妨一試因為佢唔會太大腥味，而且都冇乜細骨，啖啖肉唔識食魚既朋友都可
呢兩日突然之間好想食下打冷，於是朋友提議不妨去太子陵發潮式打冷食，諗諗下對上一次泥陵發食潮州打冷都已經係3,4年前了，想當年第一次去陵發捧場既時候佢都係得一間鋪，而家生意越做越好舖位越開越多。有陣時覺得香港人真係好奇怪，呢間打冷餐牌從來唔標價錢但係又有一大堆人走去食，咁又無啦啦畀佢做出左D噱頭出黎。
不過如果你想知幾錢都可以問店員既，佢地都會樂意話比你地聽的。
不過老實講我覺得佢呢到打冷都幾貴，間唔時食一次半次我就覺得都ok既。
首先我地點左個生腸大腸拼豬耳鹵水拼盤，味道適中唔會太鹹蓋曬食物既原有味道。大腸不會太肥一舊舊肥膏，令人較易接受，而且炆得好腍好入味。
生腸和豬耳十分爽脆，食左也不會覺得有肥膩感。
鵝片同鹵水鵝比我選擇我一般都會揀番鹵水鵝，一黎比較平D，二黎我本人比較鍾意食下骨位，有點口感。因為間間餐廳跟既都唔同，我多數會講明跟豆腐底，貪佢咁樣又多個餸食下😂。
佢地個鹵水鵝做得都幾出色，肉質彈牙，唔會霉林林或者韌到痴哂牙。
就是略嫌太多碎骨，食既時候可要小心哦。
食完滷味當然要食返條大眼雞啦，簡直係缺一不可，唔食魚既朋友都可以不妨一試因為佢唔會太大腥味，而且都冇乜細骨，啖啖肉唔識食魚既朋友都可以放心盡情食。生意好既餐廳D食材都好特別新鮮，雖然條魚凍冰冰但係都一樣食到佢肉質嫩滑👍讚👍
必食炸蠔餅，蠔仔肉啖啖肉而且每一粒都大大隻，蠔餅夠哂乾身，唔會太多炸粉，香酥惹味。
最後當然要點返一鍋蠔仔粥食啦，唔食都真係對唔住自己，D蠔大大粒超肥美，成鍋粥夠曬料，大大鍋足夠六至八人食。
張貼
