大邊爐火鍋店

營業中

休息中

與同事👩‍💼喺九龍城做完嘢，大家都想食完晚飯先返屋企，唔使煮😆，同事話想打邊爐，咁我哋就上網search 吓，搵到呢間口碑唔錯嘅火煱店。🧊竹蔗茅根水$18天氣好熱，一坐低我先點杯冰凍嘅竹蔗茅根水🌾，夠晒冰凍，夠晒清甜潤喉。🐓海底椰青雞鍋$128想點個較清潤嘅鍋底，呢個就係最啱啦，裏面除咗有雞件、椰青、椰子肉，仲有紅棗及花膠仔。要讚一讚就係個火鍋爐，成晚都係沸騰狀態，打邊爐好緊要。🥟西洋菜帶子餃$68一客八隻，包得飽滿脹卜卜，而且味道都幾鮮甜。🐖西班牙黑毛豬$168同事唔食牛，所以點咗碟西班牙黑毛豬，肥瘦相間，有肉香，口感好好。🥬油麥菜$38店員介紹話今日嘅油麥菜好靚，咁我哋就點咗呢個，輕灼已經好爽甜。