影片
更多
2025-06-15
0 瀏覽
最近聽講中環荷李活道新開左一間經典新派泰國菜餐廳「耀華力」，靈感來自曼谷唐人街「耀華力路」。餐廳裝潢好有泰國街頭特色，店內貼滿懷舊廣告海報，工業風格，空間寬敞，聽講晚市座無虛席！雖然再過兩星期就去曼谷旅行，但都忍吾住想黎試下先，感受下正宗泰國風味！🍜.炸蝦餅 $148一坐低就即刻叫左個炸蝦餅，真係物有所值！呢度既炸蝦餅吾係一般泰國餐廳食到，佢地自家製既，大量蝦肉包住原隻虎蝦，形狀似蟹鉗，成個乒乓波咁大，炸到金黃香脆。咬落去滿滿蝦肉，仲有原隻蝦肉增加層次感，配埋酸甜梅子醬，食到停吾到，驚喜滿滿！🦐.海鮮炒飯 $148食完真係覺得比係泰國食過既仲要香口同地道！炒飯少少濕身，但依然有鑊氣，用料超豐富，有虎蝦、魷魚、蟹肉、紅椒絲、蛋花等，啖啖都好有層次感。海鮮香味濃郁，材料份量多到爆，比以往食過既海鮮炒飯仲多料，超級推介！🍚.泰式辣椒炒蜆 $148味道完全刷新左我對呢道菜既印象！佢地用甜椒、泰國羅勒、煉乳d材料整成芡汁，爆炒新鮮蜆肉，每隻蜆都吸收左醬汁既精華，味道濃厚得黎吾會過鹹。每隻蜆都冇沙，食落去爽口又入味，值得一試再試！🐚.Thai Tea $58飲品方面叫左杯Thai Tea，味道吾會
最近聽講中環荷李活道新開左一間經典新派泰國菜餐廳「耀華力」，靈感來自曼谷唐人街「耀華力路」。餐廳裝潢好有泰國街頭特色，店內貼滿懷舊廣告海報，工業風格，空間寬敞，聽講晚市座無虛席！雖然再過兩星期就去曼谷旅行，但都忍吾住想黎試下先，感受下正宗泰國風味！🍜
.
炸蝦餅 $148
一坐低就即刻叫左個炸蝦餅，真係物有所值！呢度既炸蝦餅吾係一般泰國餐廳食到，佢地自家製既，大量蝦肉包住原隻虎蝦，形狀似蟹鉗，成個乒乓波咁大，炸到金黃香脆。咬落去滿滿蝦肉，仲有原隻蝦肉增加層次感，配埋酸甜梅子醬，食到停吾到，驚喜滿滿！🦐
.
海鮮炒飯 $148
食完真係覺得比係泰國食過既仲要香口同地道！炒飯少少濕身，但依然有鑊氣，用料超豐富，有虎蝦、魷魚、蟹肉、紅椒絲、蛋花等，啖啖都好有層次感。海鮮香味濃郁，材料份量多到爆，比以往食過既海鮮炒飯仲多料，超級推介！🍚
.
泰式辣椒炒蜆 $148
味道完全刷新左我對呢道菜既印象！佢地用甜椒、泰國羅勒、煉乳d材料整成芡汁，爆炒新鮮蜆肉，每隻蜆都吸收左醬汁既精華，味道濃厚得黎吾會過鹹。每隻蜆都冇沙，食落去爽口又入味，值得一試再試！🐚
.
Thai Tea $58
飲品方面叫左杯Thai Tea，味道吾會太甜，茶味濃郁，好有泰國風味。飲落去好解渴，配埋辣辣地既泰國菜，岩晒！冰涼涼既感覺真係好正！
🧋.
芒果糯米飯 $108
糯米飯淋上椰漿，上面覆蓋住新鮮芒果肉，仲灑上酥脆黃綠豆。芒果甜香得黎吾會膩，糯米飯有嚼勁，黃綠豆又脆口，幾種口感一齊入口，真係好滿足，完美ending！🥭
張貼
