十二味 (山市樓) (已結業)

我哋今日決定返兜十二味。唔知係咪因為今日落雨，定係我哋早咗到，所以等都唔使等，間鋪頭大把位，可以直接入去坐。大少仍然係叫佢嘅川式口水雞，我經過上次要等好耐嘅教訓，所以唔再叫魚湯泡飯，轉食酸菜魚。果然不出我所料，唔使5分鐘，兩個餸全部一齊上晒。跟餐嘅有蒜香雲耳個前菜，配白飯，再加餐飲。口水雞嘅水準，同上次一樣，依然嫩滑。我個酸菜魚都好好食，魚片一塊塊係完整嘅。雖然我揀咗辣，但係辣嘅程度，我都可以接受到。我自己自製咗酸菜魚湯泡飯，有少少辣而且又䁔笠笠，最啱響好似今日嘅落雨天嘅時候食。雖然落咗酸菜，但係個湯一啲都唔鹹亦唔酸。個餐飲依然跟上次一樣，叫咗哈密瓜凍奶同埋桂花冰釀。呢一餐真係又好食，又抵食，份量又夠飽。