FireBird

營業中

休息中

銅鑼灣利園附近呢邊人流雖然冇咁多，不過都隱藏咗唔少美食，Firebird就係其中一間我常去嘅居酒屋，除咗環境氣氛唔錯，適合一班朋友聚餐，餐牌款式選擇十分多，如果好似我咁有選擇困難症，真係覺得花多眼亂啊。雜錦刺身他他杯有角切嘅三文魚、油甘魚、吞拿魚、三文魚子、青瓜同牛油果，除咗平時就咁點豉油食，亦都可以用紫菜包住食更加有層次。火山熔岩鮭魚卷一放上枱造型已經好吸引，三文魚卷輕輕炸過更加香但唔會油膩，仲淋左好多熔岩芝士沙律醬，上面鋪滿大量脆脆增加口感。日本產霜降A4和牛&厚切牛舌燒和牛燒過之後油脂更加香，肉質仲保持粉嫩，牛舌燒嘅口感比較爽口，各有各特色。蟹味噌甲羅燒蟹膏味道鮮甜濃郁，仲加咗蟹肉同蟹子，包埋紫菜同飯一齊食好配合。日本產霜降A4和牛壽喜燒而家天氣凍冰冰，最啱食熱辣辣嘅鍋物，壽喜燒嘅湯底甜甜地幾香濃，和牛脂肪分布平均，輕輕灼熟之後肉質好嫩滑，鍋入邊除咗有蔬菜之外，仲有一啲煮好嘅牛舌粒好入味。