第三站

完全唔明點解有咁多好評，呢度真係幾岩一班人hea，但食物質素真係嚇死人。🙅🏻‍♀️🙅🏻‍♀️🙅🏻‍♀️🙅🏻‍♀️我地叫左個Christmas special set。可以揀兩個main course, 我地叫左長通粉同意大利飯，野飲係一jar咁樣，咁首先就叫左巨蜂提子乳酸。小食都係d現成野，咁都好正常。然後意大利飯同長通粉入面竟然有三色豆🤦🏻‍♀️，完全唔明。意大利飯一睇d米就知係普通白米，入面料又得好少，數埋可能有5塊鴨胸的🤷🏻‍♀️。跟住個長通粉又得係三色豆，又係無料的，茶記都好食過佢。咁見d野都好大份，咁都算喇，最surprised 的原來仲未到！個甜品真係不得了！飄雪朱古力焦糖多士wor～～～大佬，白方包加d cream同朱古力醬咋喎，會唔會頹到咁呀！仲話係人氣？？？？🤦🏻‍♀️🤦🏻‍♀️🤦🏻‍♀️野飲全部都係糖漿開水，無搞匀不突只，仲要係俾d紙杯我地裝野飲，杯都唔洗洗，咪料？計番成$170一個人，我寧願俾呢個價錢去食薩莉亞呀！