Focus (已結業)

今日約朋友去馬鞍山嘅酒吧飲野，原來已經改咗名。原名叫Blur，依家改做Focus 。老細睇嚟想大改革，哈哈。早到咗一個坐住吧枱先，因為見幾多人食飯。原來依家有做番西餐，睇見人地啲野好似好正，就攞個menu望吓。自己又未食飯，咁叫個蕃茄海鮮扁意粉食。出嚟賣相唔錯，食落味道都唔錯。價錢唔算貴，質素係可以賣貴啲。消費者角度就當然唔好加價啦。下次可以約屋企人一齊試其他野，見人地叫羊架同牛扒都好香，應該唔錯。