影片
港鐵馬鞍山站 B 出口
繼續閱讀
營業時間
星期一至四
11:30 - 01:00
星期五至六
11:30 - 02:00
星期日
11:30 - 01:00
公眾假期
11:30 - 02:00
以上資料只供參考, 請與餐廳確認詳情
細佬入嚟馬鞍山做野想飲杯酒relax下意外地搵到間店內裝修幾靚 幾有味道既一間餐廳環境幾靜，坐低完全冇果種西餐要扮晒蟹既壓迫感服務態度幾好食物質素真心唔錯塊牛扒幾優質，有五成熟應有既味道佢果度既比我感覺好舒服
繼續閱讀
本身由Blur食起，重手裝修，因為都識Blur老闆，1位著重西餐，1位著重飲酒，所以都入過廚房參觀過，仲大過樓面，一直都有食午飯同晚上飲野，後來仲加裝埋nowtv睇波，一流，馬鞍山唯一一間西餐廳有波睇開到0200。之後由員工接手就轉左名做Focus，出品更見用手，仲加埋鏢機可以過下日神，亦不時舉辦比賽，馬鞍山都唔小街坊會專程去幫襯。2021年3月再轉手後就不得了，一開始野食差態度差服務差唔在講，仲停左好多日冇開，聽員工講老闆3位內部分裂，而員工都請番來一律做唔長，全部都係散工，服務態度沒有最差只有更差，直頭垃圾，出品亦當然同廚師一樣，去左幾次都係出垃圾，已收比晒機會，除非再轉手，否則必定唔會再去，咁傻的去撐佢呢間咁嘅餐廳
繼續閱讀
見到餐廳外的餐牌寫住有明太子卡邦尼意粉所以決定入去食啦。點知食餐lunch都食到咁氣結!!放枱面的餐牌同出面一樣的。一行4個人，我哋叫咗個照燒雞扒沙律、1個明太子卡邦尼意粉，2個原條鰻魚流心蛋飯。個意粉無明太子味嘅。問佢乜唔係”明太子卡邦尼意粉”咩？侍應竟然同我講廚師唔識煮日式野，呢間係西餐廳。佢又講咗好多理由又話轉咗廚師轉唔切尋日個餐牌。呢d都係理由？！全部都唔係理由。你係有責任俾到客人點的食物，唔係碟碟都要聽你講sorry。煮唔到你就唔好寫出嚟。商品說明不對就不對，點解唔可以直接認錯，而要瀨呢樣瀨嗰樣？咁你個鰻魚流心蛋飯唔係西餐吧?! 都無計較你咩餐啦，我唔鍾意浪費，所以就算吧。然後個所謂原條鰻魚流心蛋飯係無蛋嘅！！又繼續諸多藉口廚師唔識煮。咁2碟飯你補返4隻荷包蛋得啦呱? 也合理吧。$108一碟我係期望有蛋的也正常吧。就返你西餐煮唔到流心蛋。侍應話ok. 點知唔夠5分鐘就俾低2隻水煮蛋poached eggs. 我地都想息事寧人所以就算了。點知嗰2隻水煮蛋凍嘅！！雪櫃拎出嚟嗰隻凍。餐廳體驗是差的，都覺得算了下次不再來就可。最覺得失望的是，我已說過2次叫佢立即更改餐廳外的餐牌，以免誤導了其他人。侍應只回應”將會改的”。但到我們離開餐廳都仲未改，我仲睇住又有一對情侶望完餐廳外個餐牌先入黎。繼續誤導其他人和違反商品說明條例！生意唔係咁做的。請立即檢討。
繼續閱讀
好少到馬鞍山 同事推介呢度所以打算試下因不熟路 天氣熱 搵左一段時間先到結果到左入門口 侍應見到我地都只係掛住抹枱 要主動問有無位 先話未有位 然後繼續抹枱再主動問要等幾耐 侍應就指住其他枱 話等有人埋單咪有位咁遠黎想試下呢間，得到咁嘅招待好失望
繼續閱讀
緊鄰富輝有一個同屬MOSTown嘅餐飲+美容嘅地方, 本身因為有間譚仔所以經常都好多人, 行多幾步有間勁低調嘅酒吧, 唔行過去都唔知原來晏晝有set lunch, 食完真心驚喜.>餐湯Lunch set有五款fusion主食選擇, 價錢超級街坊friendly, 附送餐湯OR餐飲, 想話why not both嘅都只係加HKD6, 是日餐湯係忌廉蘑菇湯, 好creamy又多蘑菇粒, 面頭幾粒脆麵包粒成件事grand唒.>香辣橄欖油雞絲天使麵 (HKD56)見到大隻佬原來同街坊好熟, 不時見佢出黎吹下水, 聽到隔離枱想話唔要墨魚汁都好樂意為佢地轉忌廉汁👍🏻. Li個天使麵勁抵食呢, 帶點刺激嘅辣度, 鋪天蓋地都係條條切得好粗大嘅雞絲, 食到碗底都仲有, 整體好好好味.>日式咖哩吉列豬扒意大利飯 (HKD58)無估到吉列豬扒原來如此大塊+厚切, 每啖都非常鬆軟油脂比例好好. 以日式咖哩燴意大利飯好得, 豬扒同飯嘅份量for女士真係太多😂. 因為真係好好食, 碟已清👍🏻. >熱咖啡☕️連細節位嘅鮮奶都打熱過先serve, 非常認真, 單係li一點已經係再黎嘅理由, 擰轉張lunch menu原來仲有下午茶添, MOS高質食店又一間checked.
繼續閱讀