咖啡弄 (已結業)

上次因為太多人而放棄無等，今次誓要食到，在那又焗又熱的樓梯間排了足足90分鐘，心情非常欠佳。一入到去覺得環境唔錯，食物賣相都好吸引！兩個人點了拿鐵咖啡，冰水果茶，草莓鬆餅，總匯三文治，咖哩腩伴法國麵包。首先講下兩杯飲品，味道一般般，咖啡泡不夠綿密，咖啡味就幾香，水果茶甜品適中，如果多點檸檬會更清新好飲。再來是總匯三文治，雞扒充滿烤香，蜜糖同雞肉超夾，面包好脆，三道食品中最好食！食完即刻心情變返靚接著是咖哩腩伴法國麵包，旁邊有酸忌廉醬，尼個醬有畫龍點睛作用，麵包即刻變得好好食而牛腩肉就好冧，但唔入味且無晒牛肉味，咖哩唔夠香，這道居然係招牌菜？最後是賣相最吸睛的草莓鬆餅，隔離台一見到即刻加單。鬆餅好香蛋味，而且好厚好足料，雪糕溶得好快，一定要加上整粒草莓一口食，酸味中和鬆餅的飽膩感，不過食完一塊真係好點飽到想嘔，建議四人同行食會好啲。總括食物是美味的，賣相吸引，價錢適中，上菜速度算快，不過要付出大量時間和精力。