囍源古早蛋糕 (已結業)

Item: 囍源古早蛋糕
Rating: 4
Author: 兵工廠Doormat

Hei Yuen bakery

4.5

378 食評

味道

環境

服務

衛生

抵食

3210

深水埗

$51-100

台灣菜麵包店

339

兵工廠Doormat

等級4

294

由於小編係第一次食古早蛋糕唔係好太認識🧐，咁啱今次小編放假經過深水埗一間叫做「囍源古早蛋糕」畀啲香味吸引住咗🤤。包店擺放咗今日將會賣既幾種款式，但原來小編一問之下，原來包店有成三十幾款咁多🤩，聽到都覺得好犀利呀👏。因為小編係第一次食既關係，唔太清楚古早蛋糕係點樣分同有乜特別😲，所以真係要請教老闆娘先至得。
✦✦✦✦✦✦✦✦✦✦✦✦✦✦
聽老闆娘講好耐之前因為戰爭同戰後好多台灣人生活比較窮困📖，所以飲食會變得簡單，而用上一啲料理可以又大又多，分畀好多人食，之後呢種技術代代傳承，蛋糕亦有咗唔同既變化🤯，但味道仍舊，保留濃厚古早味道😊，係一份對生活認真製作既態度，好有歷史價值🔎。

小編仲發現呢間包店既古早蛋糕同出面有好多唔同既地方🔍，第一就係黃金邊、黃金底✨。因為小編曾經見過好多包店都一定會烤焦埋個底，味道點都會有燶味🤔，而且仲會好乾身。所以小編專登都問問老闆娘個原因係點😲，原來佢哋係用咗叫做綿麥，仲要特登訂制既麵粉需要兩至三個月到貨，非常有心機去揀選最靚既材料✨。而每一件都要花成兩至三個鐘頭用慢煮既技術先至可以做到黃金邊底👄，好用心。

老闆娘仲偷偷咁話畀小編聽，佢哋既大廚係由一間私人會所既formula再研發出嚟🤯，所以技術係好成熟同經驗。而且古早蛋糕既款式都係即日整即日出👍，好多材料都係即時處理，用好多功夫，所以每一日既款式都會唔同😋。

因為深水埗比較多老人家，所以佢哋主打低糖少油✨，咁樣老人家都可以食得到，糖尿病都唔怕太甜唔敢食🤭，所以好受到附近居民支持啦👏。

因為老闆娘知道小編係第一次食，所以都好怕小編會唔鍾意個口感，就比小編試咗一小舊再決定買唔買🤩。小編用手按一按既感覺個蛋糕仲係非常濕潤💦，味道真係唔會太燶，香味又軟熟，可以一試🏃‍♀️。
✦✦✦✦✦✦✦✦✦✦✦✦✦✦
🎈流心奶皇 $70
甜味恰當好處，除咗有淡淡奶皇香，古早蛋糕既軟綿口感👄，真係好食。聽老闆娘話呢個流心奶皇要凍食更好味道❄，小編緊係即刻放咗入雪櫃再一試。除咗奶皇味道更香濃之外，蛋糕仲保持到濕潤口感，更好味道👅，尤其依家天氣咁熱，食返啲凍野就正喇😊。
✦✦✦✦✦✦✦✦✦✦✦✦✦✦
🎈咖啡核桃 $70
咖啡唔係用一般咖啡豆，聽老闆娘話係用一隻叫做UCC既咖啡豆去整成，咖啡味道好突出之外，唔會越食越苦澀，啱哂後生仔女食🤭，入面仲有啲核桃碎，細細粒，好有咬口👄。
✦✦✦✦✦✦✦✦✦✦✦✦✦✦
🎈香脆肉鬆 $70
呢一款應該係出面搵唔到既味道，結合咗平時香港人食小吃既肉鬆脆片，入面仲有一層流心芝士，完全打破小編對古早味既認知🤯，呢款蛋糕好犀利。肉鬆口感同蛋糕味道好夾，香口亦美味👀。
🎈流心黑芝麻 $75
包店既芝麻係即日做大量既時間慢慢煮成☕，所以唔係經常都會見到呢一款流心黑芝麻。小編超鍾意食入面芝麻既味道，味道雖然唔係好濃👃，因為主打低糖少油，所以附近既老人家都比較鍾意食😙。
✦✦✦✦✦✦✦✦✦✦✦✦✦✦
🎈班蘭咖吔 $70
呢款味道好創新，小編無諗過原來古早蛋糕都可以加班蘭咖吔😝，呢款醬既味道非常獨特，加咗係蛋榚入面係好夾👍，如果每朝早既早餐都可以食到一細件就已經好滿足🤩。
✦✦✦✦✦✦✦✦✦✦✦✦✦✦
🎈流心栗子蓉 $70
栗子蓉係好多西式榚店上經常會食到🍰，但用係古早蛋糕夾心層入面應該就比較少，而餡既份量其實啱啱好，每食一大啖蛋糕中都滲透栗子蓉既清香清甜😋，怪唔知得大人細佬都好鍾意食啦👍。
✦✦✦✦✦✦✦✦✦✦✦✦✦✦
小編今次係第一次食古早蛋糕，所以好認真咁去嘗試同了解古早味蛋榚係點🤔，因為香港近呢一年都多咗好多呢款蛋糕，作為一個食評家當然要了解蛋糕背後同分別📝。從包店有唔同款式選擇至到用選材料、低糖少油去迎合每位客人既需要🤲，呢種細心、認真對待係令人尊敬👍。包店位置非常近深水埗車站，由A2出口直行幾分鐘就到🏃‍♀️，朋友們行過買翻一件又試下啦🥡。
✦✦✦✦✦✦✦✦✦✦✦✦✦✦