阿爺粥品手工涮涮鍋 (已結業)

鐘意打邊爐又貪靚嘅女士，而家又會有一個火鍋新蒲點，就系旺角既阿爺粥品手工涮涮鍋。呢度最吸引我嘅地方，係湯底靚、食材新鮮多樣化。入到餐廳見到大魚缸，就特別覺海鮮必食不可。呢渡新開業，我地六點到，成為第一枱客。每對筷子既木材部分都係可以拆，只作一次性，好衛生，又体貼客人。今晚心水推介係做緊 promote 既燉雞加花膠湯底，教人無可抗拒！打邊爐前先飲啖靚湯，任食放題仲包埋六十幾款配料，每個都系298元 ,再送埋手切牛肉，同海鮮拼盤，咁嘅套餐，性價比非常之高。粗大既花膠啖啖膠元，要用剪刀一刀兩斷，可想而知幾甘有份量。個靚雞湯既湯底真係要一讚再讚，無味精、無添加，花膠吸收曬雞湯精華，好掂！呢渡服務超細心，有禮貌、有笑容，店員有耐性又會介紹好野俾我地試，好感動。呢個海鮮大拼盤都好豪華！大鮑魚、龍蝦、桂花蚌、蜆、花蟹。呢啲食杯就算自己去街市買都唔平，依家每位298元已經食到！龍蝦同花蟹都有濃濃的膏哦！手切牛肉都係重點，好有牛味，一流！六十幾種火鍋料，任食兩小時，每樣都好新鮮，海鮮蔬菜、菇類都無限任食，好震撼！最重要係湯底靚，食咩就滋味。為左增加鮮味，我地再加蜆肉，湯底越煲越鮮！我地另外叫左1664