CHEF STAGE de Eddy Chu (已結業)

周末除咗想休閒啲，有時都想食好啲。今日朋友帶路話帶我地食新派西餐。一行三人黎到尖沙咀亞士厘道，成幢大廈都幾多野食，樓下見到西餐大排檔就知冇黎錯地方。餐廳環境都幾靚，門口仲擺滿大廚既戰績，店員推介幾個餐廳名菜，都係大廚特別用心思既菜式。先有一杯小小既welcome drink－white sangria，甜甜既白酒加上小小生果，好香果味易入口！既然食得呢類中高檔餐廳，咁當然要食返前菜主菜呢啲次序啦。頭盤先試試海鮮拼盤，有好多種新鮮海鮮，最欣賞佢並唔係普通凍盤上就算，而係每樣海鮮都花左啲工夫去整。有大蝦、帶子、鮑魚、吞拿魚、生蠔等等款式，最出色既係北海道帶子，特配醬汁酸酸甜甜，好夾！鮑魚都非常出色，岩岩好唔會太韌，醃得好入味！好特別既肉骨茶，一般肉骨茶都以藥材為主，但呢度既肉骨茶係以海鮮同肉類作主魚，好鮮味！用料都唔馬虎，小小一碗肉骨茶都用上大蝦、鮑魚、魚塊同西班牙豬肋條等貴價材料，熬出黎既湯自然好飲。bb鴿肉質鮮嫩，juicy。食完精彩前菜好期待主菜！黑松露白汁年糕份量較少，但係因為年糕夠滯所以都係夠既。一上黎嚇親既慢煮牛扒，唔好睇佢咁多血水，其實係因為慢慢煮所以將血水逼晒出黎，切開就知