楚撚記大排檔

營業中

休息中

一直都未有機會去荃灣楚撚記個度堂食，上一次食都係去朋友屋企叫外賣，一直都好想試佢豬油撈飯，所以早幾日忍唔住去訂位。菠蘿拔絲咕嚕肉佢地用上梅頭肉，唔會炸得太耐而變得太乾身，肉質非常嫰滑，掛汁力極強，菠蘿酸酸甜甜，份外開胃。干煸四季豆用上麻辣醬再加上一D肉碎去炒，入口辣辣地，帶一點麻，配飯一流。楚撚記原隻脆皮炸豬手每件都悉心處理過，唔會一件大一件細，豬皮炸得夠酥脆，肉質仍然保持嫰滑，再食多兩件，唔叫支啤酒真係對唔住依碟豬手。楚撚記豬油撈飯簡單的一碗白飯，加上豬油和豉油，雖然罪惡感提昇不少，但真係非常美味，頓時變成高質撈飯。