影片
更多
2021-11-18
1613 瀏覽
之前上網見到有88折優惠，所以約埋fd去食，一人一鍋，一set份量，唔洗大家互夾對方，感覺衛生d, 而且蒸無禁熱氣。個人幾喜歡佢d set，有日系蒸氣邊爐，食物幾新鮮，環境同餐廳設計得幾好，一張檯好大，剛好放哂所有食物，又唔會迫。如果隔離檯唔認識既，會有竹簾分隔開，好有私隱度。餐廳提供左幾款套餐例如：九品芝麻、內務總管、八府巡按等等...今次我叫左個比較豪d既套餐，八府巡按套餐 ($388)，朋友就叫左九品芝麻套餐 ($218)，分別在於食物款式同數量唔同。先介紹八府巡按套餐 ($388)三款刺身（北寄貝、甘蝦、帆立貝）刺身幾鮮甜美味，為呢餐作個好開頭。兩款炸物 (芝麻雞翼﹑雞軟骨餃子)炸物炸得幾脆，幾乾身唔多油。芝麻雞翼有好濃芝麻香味，原本以為無骨，但係有骨既，不過都一樣好食。雞軟骨餃子應該將雞軟骨整到好細，唔太覺得好硬，幾岩我呢d鐘意咬軟野既人食。朋友既九品芝麻餐炸物只有1款, 就係章魚燒2粒。 海鮮 (龍蝦﹑ 蟶子皇/蟹 (2選1)﹑鮑魚﹑元貝﹑白蜆﹑蝦﹑鮮魚片﹑紐西蘭刀貝﹑時令海鮮)作為懶人，由於唔想拆殼，所以蟶子皇同蟹，我揀左蟶子皇，蟶子皇好爽。檯面上有個list寫住不同食物
個人幾喜歡佢d set，有日系蒸氣邊爐，食物幾新鮮，環境同餐廳設計得幾好，一張檯好大，剛好放哂所有食物，又唔會迫。
如果隔離檯唔認識既，會有竹簾分隔開，好有私隱度。
餐廳提供左幾款套餐例如：九品芝麻、內務總管、八府巡按等等...
今次我叫左個比較豪d既套餐，八府巡按套餐 ($388)，朋友就叫左九品芝麻套餐 ($218)，分別在於食物款式同數量唔同。
先介紹八府巡按套餐 ($388)
三款刺身（北寄貝、甘蝦、帆立貝）
刺身幾鮮甜美味，為呢餐作個好開頭。
兩款炸物 (芝麻雞翼﹑雞軟骨餃子)
炸物炸得幾脆，幾乾身唔多油。
芝麻雞翼有好濃芝麻香味，原本以為無骨，但係有骨既，不過都一樣好食。
雞軟骨餃子應該將雞軟骨整到好細，唔太覺得好硬，幾岩我呢d鐘意咬軟野既人食。
朋友既九品芝麻餐炸物只有1款, 就係章魚燒2粒。
海鮮 (龍蝦﹑ 蟶子皇/蟹 (2選1)﹑鮑魚﹑元貝﹑白蜆﹑蝦﹑鮮魚片﹑紐西蘭刀貝﹑時令海鮮)
作為懶人，由於唔想拆殼，所以蟶子皇同蟹，我揀左蟶子皇，蟶子皇好爽。
檯面上有個list寫住不同食物要蒸幾耐，好清晰。
一開始我已經急不及待食龍蝦先，龍蝦放上爐時仲有少少郁，好新鮮！
蒸完見到有少少金黃色既膏，龍蝦肉都爽口，好想再食多幾隻。
另外鮑魚﹑元貝都好大粒，同樣美味新鮮！
而朋友既九品芝麻餐海鮮就會少d : 鮑魚﹑白蜆﹑蝦﹑鮮魚片﹑大蜆
肉類 (安格斯牛肉/ 豚肉/ 雞肉 (3選2))
個人大推安格斯牛肉，好重牛味，而且都有3-4大塊。
三寶丸 (牛骨濃汁牛丸、薑汁皮蛋貢丸、招牌墨魚丸 )
三寶丸 其實都幾令我surprise，因為同樣高質，其中一粒仲要爆汁，大家食既時侯要小心。
牛丸好好食，勁重牛味！
蔬菜拼盤
份量都唔少，有南瓜﹑金茹﹑栗米﹑冬茹﹑生菜等等。
粥底/麵底
平時好多時都會食剩粥底，但今次我食左一大半，因為呢個粥無咩油，而且又無碎殼，味道好鮮！
朋友就叫左米線食，職員會加上自家熬製既魚湯，同樣好食。
甜品(糯米糍)
有芒果﹑雲喱拿﹑香芋同芝麻味選擇,都幾多味道！
餐廳內有魚缸，難怪d海鮮仲keep住禁新鮮。
今餐食得好滿足，仲可以用優惠價食高質食物，好滿意！
張貼
